 |
| Be man p(er)dut desai uas uentadon. tuig mei amic |
 |
| pus madona nom ama. per qui eu non ai talan que chant i. iorn. pus tot ades mi fai semblan trist emorn. car esamor me deleit em soiorn. que deren als nos rancura nis clama. |
 |
| Aixi col peix queses lais el cordon. eno sap res tro queses presen lama. meslaixei eu uas trop amar un iorn. canc nom gardei tro que fui en la flama. quem art pus fort no fera foc en forn. queras nom pusc de leis partir . i. dorn coram saizis samor emaliama. |
 |
| Aom m(er)auill de samor sim ten pres. car gencer cors nocrei quel mon se mire. bels huils (et) gens clars (et) fis e cortes. etot aital com eu uuill nidesi re mas non pusc dir de leis car non ges quel nagra dig delei silisa ubes. mas non li sai per quel ne lais a dire |
 |
| Totz tems uolrai sas honors esos bens. eli serai homs amics eserui re. elamarai o li plasa o li pes. com no pot cor destreiner. ses auzire no sai domnam uolgues ho nom uolgues. sim uolia camar non la pogues. mas totz res pot hom emal scrire. |
 |
| Alas autras son hui mais eschazutz. cascunam uol pot sis uol a sos obs atraire. ab tal couen nom sia uendutz. lo ioy nil be que man en cor de faire. q(ue)nuios es p(re)yars cant es uendutz. (et) eu nol uuill que mal menes uengutz. castiatz ma la falsa demal aire. |
 |
| Em proenza tramet ioy esalutz. emais debe com noloi pot retrai re. efaz esforz miracles eu(er)tutz. car lor tramet zo don eu non ai gai re. qui eu non ai ioy mas tan can lom adutz. mon bel uezer en fachuratz sos drutz. en alu(er)niatz el seinor debel caire. Pen bel uezer fai dieus tan de uertutz. com non lo uei no(n) sia ere ubutz. del bel semblan. edels bes q(ue)sap faire. |