 |
Bernartz deuentedorn. BE mant p(er)dut lai enues uentedorn. Tuich mei amic pois ma dompna nom ama. Et es ben dreitz que ia mais lai non torn. Car tant estai uas mi saluaga egrama. Ueus p(er)qem fai sem- blan irat emorn. Car ensamor mi deli- eit em soiorn. Ni deren als nois rancu- ra nis clama. Aissi col peis qui ses laissa elcadorn. enon sap mot tro que ses pres enlama. Mes- |
 |
laissiei eu uas trop amar un iorn. canc non saup mot tro fui en miei la flama. Que art plus fort que non fai fuocs de forn. Eies p(er)so nonpuosc partir un dorn. Aissim ten pres samors q(ue)maliama. Nom merauill si samors mi ten pres. Q(ue) gensser cors non cre qel mon se mire. Bels eblancs es efres egais eles. Etotz aitals cu(m) ieu uuoill edesire. Non puosc dir mal delieis que non i es. Qiel nagra dich de ioi sieu li saubes. Mas noli sai p(er) so men lais de dire. Totztemps uolrai sa honor esos bes. Eil serai hom et amics eseruire. Elamarai ben li plassa obeil pes. Com non pot cor destreigner ses aucire. Non sai dompna uolgues onon uolgues. sim uolia ca- mar nola pogues. Mas totas res pot hom en mal escriure. A las autras sui sai eschasutz. La cals si uol mi pot uas si atraire. P(er) tal couen q(ue) nom sia uendutz. Lonors nil bes que ma encor afaire. Qenoios es preiars pos es p(er)dutz. P(er)mius odic q(ue) mals men es uengutz. Qenganat ma la bella demal aire. En proenssa tramet mans esalutz. epl(us) debes com nolor sap retraire. Efatz esfortz miracles euertutz. Car ieu lor mand deso don non ai gaire. Qieu non ai ioi mas tant qant men adutz. Mos bels uezers en fraitura mos drutz. Enaluer- ngatz lo seigner de bel caire. Mos bels uezers p(er) uos fai dieus uertutz. Tals com nous ue que non sia ereubutz delz bels plazers q(ue) sabetz dir efaire. |