 |
Be(r)nartz de uentedorn. BEl mes queu chant en aquel mes. Que flor efuoilla uei parer. Et aug lo chan douz pel defes. Del rosignol maitin eser. Adoncs se- chai queu aia iauzimen. Du(n) ioi uerai en que mos cors saten. Car eu sai ben que p(er) amor mo- rai. Amors ecal honors uos es. Nil cals pros non pot eschazer. Sausiez cellui caues pres. Que |
 |
ues uos no(n) sausa mouer. Mal uos estai car do- ls de mi nos pren. Camat aurai em perdos lo(n) iamen. Cella on ia merce no(n) trobaria. Puois uei que preiars ni merces. Ni seruirs no(m) pot pro tener. P(er) amor de dieu mes fezes. Ma domna cal que bon saber. Que gran ben fai uns pauc de iauzimen. Asel que traitan gr- an mal com eu sen. Esai si muer requirenz li se- rai. Guarrit magra si mausies. Quadonc nagra fag son uoler. Mas eu no(n) cre quella fezes. Ren cami tornes aplazer. Mas lo sieus bels cors cortes. Lo genser com puoscha uezer[1]. Agra nes gai o pene- derai sen. Ia no(n) crerai nom an cub(er)tamen. Mas cella sen uas mi p(er) plan assai. Del maior tort queu anc lagues. Uos dirai sius uoles ]uoler[2][ lo uer. Amerala sa lei plagues. Eser- uiral de mon poder. Mas no(n) seschai quil am tan paubrame(n). P(er)o ben sai cassatz forauinen. Q(ue) ies amors segon ricor no(n) uai. El mon nom es mas una res. P(er) queu ioia po gues auer. Eda quella no(n) aurai ges. Ni dautra no(n) puosc ies auer. Pero si nai p(er) lei ualor esen. En son plus gais etenc mon cor plus gen. Car sil no(n) fos ia nome(n) mere(n) plai. |