 |
ARam conseillatz seignor. Uos cauez saber esen. Una do(m)pnam deg samor. Qai amada loniamen. Ara ]sieu[[1] sai eu la uertat. Qella autramic priuat. Canc de nul compaignon. Compagna tan greu no(m) fon. SI ia uol autramador. Ma do(m)pna noli defen. E lais eu mais per paor. Peri qe autre iausimen. E se hom deit auer grat. De nul seruize esforzat. Ben deit auer guizardon. Ieu qi ta(n)t gran tort p(er)don. De laiga qe dels oilz plor. Escriu salutz mais de cen. Qieu tramet ala gensor. A la plus bella auinen. Mantas ues mos pois m(em)brat. Lamor qem det al comiat. Qe il ui cobrir sa faison. E no(n) sab dir hoc ni non. Los sieus bels oilz traitor. Qi mes gardauan tan gen. E sai si gardon ailor. Mont ifan grant faillimen. |
 |
Mas daitan man ben honrat. Qe seron mils aiostat. Mais gardan lai on ieu son. Qa tot cel denuiron. Pois soi mes ala folor. Ben ferai fol si eu no(n) pren. Dai qest dos mals lo meillor. E ual mais mon escien. En leis auer la meitat. Qe tot p(er)dre p(er) foudat. Qanc anegun drut felon. Damar no(n) ui far son pron. Duna re sui enerror. E estau en pesamen. Qa loncs aurei ma dolor. Si eu aqest plag li cosen. E si eu lendic som pechat. Tenc me p(er) deseritat. Damor eia deus no(m) don. Pois faire uers ni chanzon. Car si eo lam adesonor. Esqerenz er a tuta gen. E tenran men li plusor. P(er) cornat ep(er) sofren. E saissi pert ma mistat. Ueus mon damnaie doblat. Qal qen faz o cal qe nom. Res nomen pot esser bon. Dona apresen amat. Autrui emi acellat. Si qeu naia tot lo pron. Cautra bella raison. Qarzon aram chantat. Ma zanson elam portat. A mon mesagier qi fon. Qiel qier (con)seil qel medon. |