Tu sei qui

Edizione diplomatica

Schede primarie

Bernartz deuentedorn.
ERam cosseillatz seignor. Uos cauetz
ualor esen. Una dompnam det samor.
Cai amada longamen. Mas eras sai de
uertat. Quill a autramic priuat. Ni
anc denuill compaigno. Compaigna
tant greus nom fo.

Duna ren sui en error. En estai en pen-
samen. Que malonge ma dolor. Sieu
aqest plaich li cossen. e sai sil dic mon
penssat. Uei mon dampnatge doblat. Cal
qen fassa ocal que no. Re non puosc far
de mon pro.

Esieu lam adesonor. Aurain blasme de
la gen. Etenrant men li plusor. P(er) cor-
nut ep(er) sofren. Esaisi pert samistat. bem
teing p(er) deseretat. Damor eia dieus no(m)
do. Mais faire uers ni chansso.

Pois uoutz sui en la follor. Ben serai fols
sieu non pren. Daqestz dos mals lo me
nor. Que mais ual mon escien. Q(ue)u aia
en lieis lameitat. Qel tot p(er)da p(er) foldat.
Car anc non ui drut fello. Nuill temps
damor far son pro.

E puois uol autramador. Ma dompna
ieu no loil defen. Elais men mais per
paor. Q(ue) p(er) autre chausimen. E sanc
hom dec auer grat. Denuill seruizi for-
sat. Ben dei auer guizerdo. Eu q(ue) tant
gran tort perdo.

Li sieu fals huoill trahidor. Que mes-
gardauon tant gen. Sinaissi gardon
aillor. Mout ifant gran faillimen. Mas
daitan mant mout onrat. Que seron
mil aiostat. Plus gardon lai on ieu so.

Catotz aicels deuiro.

De laiga cab los huoills plor. Escriu sa-
lutz mais de cen. Etramet ala meillor.
Et ala plus auinen. Maintas uez mau
ra membrat. Deso qem fetz alcomiat.
Qieul ui cobrir sa faisso. Canc nom poc
dir hoc ni no.