 |
Bernartz deuentedorn. AMors eqeus es ueiaire. trobatz mais fol mas cant me. Cuiatz uos q(ue)u sia amaire. Eque ia non trob merce. Q(ue) qem comandetz afaire. Farai o caissis coue. Mas uos non estai ies be. Qem fassatz lonc temps maltraire. Eu am la plus debon aire. Del mon mais que nuilla re. Et ella nomama gaire Non sai cossi sesdeue. Eqan plus men cuig estraire. Eu non puosc camors mi te. Trahitz sui p(er) bona fe. Amors beus opu- osc retraire. Ab amor mer a contendre. Q(ue) nomen pos estener. Qental luoc mi fai entendre. Don ieu nuoill ioi non esper. Anceis fa ria apendre. Car anc naic cor ni uoler. Mas ieu non ai ies poder. Qem puosca damor defendre. Pero amors sap dissendre. Lai on li uen |
 |
a plazer. E sap gen guizerdon rendre. Del maltraich edel doler. Tant nompot mostrar ni uendre. Que plus nom pu- osca ualer. Sol qellam deignes uezer. Emas paraulas entendre. Grans enois es egrans nausa. Tot iorn de merce clamar. Mas lamor qes en mi clausa. Non puosc cobrir ni celar. Las mos cors non dorm ni pausa. Ni pot en un luoc estar. Ni eu non puosc plus du- rar. Sil dolors noma soausa. Tu sai ben razon ecausa. que puosc ami donz mostrar. Que nuills hom non pot ni ausa. Enues amor contrastar. Car amors uenz tota causa. Eforssam de lieis amar. Atrestal pot de lieis far. En una petita pausa. Dompna res non uos pot dire. Lo bon cor nil fin talan. Qieus ai qan be mo cossire. Can ren mais non amei tan. Tost ma gran mort li sospire. Dompna passat a un an. Nom fos p(er) un bel semblan. Don si doblan miei desire. Non fatz mas gabar erire. Dompna q(ua)nd ieu reus deman. Esi uos amassetz tan. Al res uos nauengra adire. Ma chansson apren adire. Alegret e tu ferran. Porta lam amon tristan. Q(ue) sap ben gabar erire. |