 |
| B. de LO tems uay e uen e uieure. p(er) iorns e per ue(n)tador(n) mes e per ans. et ieu lay no say que dire. cades es uers mos talans. ades es uers e nos muda. cunan uuelh e nay uolguda. don anc non ayc iauzimen. |
 |
| Tues ela no pert lo rire. am ie(n) ue e dols e dans. car tal ioc ma fag assire. do(n) ay lo peior destans. caytals amors es p(er)duda. q(ue)s duna part ma(n)te(n)gu- da. tro q(ue) fay acordame(n). Ben deuriesser blasmayre. de mi meteys a razo. ca(n)c no nasq(ue)t sel de may re. ta(n) seruissa en p(er)don. e selha nomen chastia ades doblaral folha. q(ue) fols no tem tro que pre(n). Iamays no serai chantaire. ni de lescola neblo(n). q(ue) mos cha(n)tars no ual gayre. ni mas notas. ni miey |
 |
| so. ni res q(ue) fassa ni dia. no(n) conosc q(ue) pros me sia. ni noy uey me- lhurame(n). Si tot fas de ioy parue(n)sa. mot ay dins lo cor irat. q(ui) ui anc mays penede(n)sa. faire dena(n) lo peccat. con pus la prec p(us) mes dura. may sin breu no si melhura uengut er al partime(n). PEro be(n) es q(ue) lam uensa. a tota sa uoluntat. q(ue) sela tort abiste(n)- sa. ades naura pietat. q(ue) so mostra lescriptura. ad ops de bona ue(n)tura. ual un sol iorns may q(ue) sen. |
 |
| Ia nom partray a ma uida. tan co(m) sia sals ni sas. q(ue) pos leipiges issida. balaya loncx tems los gras. e si tot no ses coytada. ia p(er) me no(n) er blasmada. sol ni do al dena(n)t si ment. Ai bona mors encobida. cors be fayt. deliat plas. ab fresca carn colorida. cuy dieus formet ab sas mas. tostems uos ay dezirada. q(ue) res autra no magrada. au- tra mort no uuelh me(n). Dossa res be(n) e(n)senhada. sel q(ue)us a ta(n) ge(n) formada. me do(n) sel ioy q(ui)eu nate(n). |