[c.177vD]
 |
Peirols. en Bernartz deuentedorn. A Mics bernartz deuentedorn. Cu(m) uos podetz dechant sofrir. Qand aissi auzetz esbaudir. Lo rossignolet |
[c.178rA]
 |
nuoich eiorn. Auzatz lo ioi q(ue) demena. tota nuoich chanta sotz la flor. Mieils senten que uos en amor. P eire lo dormir el soiorn. Am mais qel rossignol auzir. Ni i a tant nom sabriatz dir. Que mais en la foillia torn. Dieu lau fors sui decadena. Euos etuich lautre a- mador. Etz remasut en la follor. Q ui ab amor nois sap tener. Bernart greu er pros ni cortes. Ni i a tant nous fara doler. Que mais nous uailla cau- tre bes. Car sil fai mal pois abena. Greu a hom gran ben sens dolor. Mas uenz lo iois lo plor. P eire si fos almieu plazer. Lo segles faitz dos ans otres. De dompnas uos dic eu lo uer. Non foron p(er) nos pregadas ges. Anz sosten grant tant greu pena. Que las nos feiron tant donor. Qanz nos preie ron que nos lor. B ernart so es desauinen. Q(ue) dompnas preion anz coue. Com las prec elor cla(m) merce. Et es plus fols mon escien. Que cel qui semena arena. Qui las blasma nilor ualor. Emou demal enseignador. P eire mout ai lo cor dolen. Qand duna falsa me soue. Que mamort enon sai- p(er) que. Mas car lamaua finamen. Fauch ai longa carantena. Esai si la fe zes loignor. Ades latrobaua peior. B ernart foudatz uos amena. car aissi- uos partetz damor. P(er) cui a hom pretz eualor. P eire qui ben ama desena. Car las tri- ch airitz entre lor. Ant tout ioi epretz e ualor. |