     |
Amors me fait (con)ma(n)cier une chanco(n) nouele q(ue)le me uiaut ansaignier a amer la plus bele. qui soit el mont uiuant. cest la bele au cors iant.cest cele dont ie chant die(us) man doint tel nouele qui soit a mon talant q(ue) me- nu (et) souant mes cuers por li sautele Bien me porroit auancier ma douce dame bele. sele mi uoloit aidier a ceste chancon nouele. je naim nule riens tant (con)me li seulem(en)t (et) son afaitem(en)t qui mon cuer renouele amors me lie (et) prant. (et) fait lie (et) ioiant porce qua soi mapele Quant fine amor mi se mont m(u)lt me plaist (et) agree. que cest la riens en cest mont qui plus magree. or la mestuet seruir ne man puis plus tenir (et) del tout o beir plus q(ue) riens qui soit nee. sele mi fait languir (et) uois iuqua morir marme en sera sauuuee. S e la mieu dre de cest mont ne ma samor donee tuit li a(n)moureus diront ci a fort des tinee. sa ce puis ia uenir q(ue) ie sanz repentir aie tout mon plaisir de li q(ui) tant magree. Lors sai ie sanz mentir q(ue) iaurai tout mon desir (et) ma q(ue)ste ache uee Cele por cui sopir la bele couloree puet bien dire (et) gehir q(ue) por li sui mar tir cest amor m(u)lt hastee. |