[c. 66 r. A]
  |
BEle dame me prie de chanter. . . si est bien droiz. que ie face chanson. . . je ne men sai. ne ne puis deporter. . . ne nai pooir de moi. se par lui non. . . Ele amon cuer. que ia nen quier ost(er) . . (et) sai de uoir quil ni tret se mal non. . . Or le doint diex adroit port ariuer . . Car il sest mis en mer. sanz auiron. Preus (et) sage. ie ne vous os conter. la grant dolour. q(ue) iai. sen chantant non. (et) sachiez b(ie)n ia nen orrez paller. Car ie ni voi nule droite reson. jaing miex ai(n)si souffrir (et) endurer. ses tres douz maus sanz auoir guerison. quedune autre q(ua)n quen puet demander. ce sachiez b(ie)n. bonne. (et) bele. au douz non. De ceste amour. qui tant me fet pen(er) ie ne voi pas (com)ien puisse partir. Car ie ni voi reson. deleschiu(er). ne nest pas. |
[c. 66 r. B]
 |
droiz. que ien doie p(ar)tir. mes fol desir. fet souuent cuer penser. en si haut leu. quil ni puet auenir. (et) fine amor sine doit pas greu(er) Ceus. qui painent touz dis. delui seruir. Sonques amis ot ioie pour amie. ie sai de uoir. ie ni doi pas faillir. Car nus fors moi ne porroit endurer. les granz trauaus. que iai pour li seruir ason plesir me fet plaindre (et) pleurer (et) sanz dormir veillier. (et) soupirer. mes itant fu amoi reconforter. que nuit (et) iour. en pleurant la remir IE ne me sai ne ne puis deporter. de vous seruir biaus cuers e(n)tierem(en)t (et) q(ua)nt ie plus vous doi merci crier lors vous truiz ie cruel. si durement. q(ue) ia amoi ne ferez biau semblant. ainz le fetes autrui por moi greuer. mes q(ua)nt vostre oeul midaigne(n)t regarder. (et) ie remir. le vostre biau cors gent. tant. sui ie hors. de poine. (et) de torment. |