[c.80r]
 |
|
Guiraut de borneill.
(1) An uei lo dous temps uenir. e la cuieda sazo. que fai
pratz reuerdir. e florisson li boisso. e aug lo bois retentir.
pel chan que fan lauzelo. e tot qant es esbaudir. per
amor o pauc o pro. mas qui sueill estar en alegrier. e
mains dautres de mon ioi alegrar. planh e sospir e muer de dezir. e
plor dels hueills ab q(ue) ui lo dous esgar. quem fes cela caram torna en
nien. al prim quieu ui sa gran captenensa. e fai o mal m(er)ces qar non
deissen. en liei catotz iorns meillure gensa. caitan destreig la p(re)gon
mei uoler. e pueis noil faill nuils bos aips mas m(er)ces. m(er)ces pogra
tot lo grat retener. sol quel seu cors plazen metre uolgues. franch
daut paratge. part lomenatge. laisei en sa franca bailia. e mirme
en sas belas faizos. en luec del cors. si q(ue) anc pueis un dia. no fui neis
de lieis poderos. mas can la uei li cug ab los hueylls dire. so que nolau(s)
ab la boca retraire. mas en pero nuilla tant no dezire. nin contra
lieis nuillautra no pretz gayre. doncx qual esforz fai si uas mi satu
ra. ma bona domna nim torna en uiutat. que nuilla res. ni hom no
sen rancura. ben degrauer deis lo sieus piatat. quieu non ay dautre
speransa. q(ue) ia maleuge ma dolor. gen cors ab humil semblansa.
|
 |
| gencer q(ue) rozen pascor. p(er) dieu prendetz macordansa. p(ro)metetz mi uos tramor. q(ue) sin breu nous pren pietansa. auciran me plaint e plor. e ia de plus nous pregarai. cans cazesien la uostra merce. retenetz me que beus eschai. conoissetz cautra ni me. non am tan p(er) la fe. q(ui) eu dei ala pros mar(que)sza. gaia de menerba. a cui soplei. car es saualor ueraia. Bel papagay si tot nous uey. far podetz de mi queus plaia. |