Tu sei qui

Edizione diplomatica

Schede primarie

Bernat de uentedorn.
Estat ai cum homs esper-
dutz. per amor en lonc
estatge. mas eram sui
reconogutz. quieu auia
fait follatge. qua totz era de sal-
uatge. quar mera de chan recre-
zutz. e cum ieu plus estera mutz.
pl(us) feira de mon dampnatge.

A tal domna mera rendutz. q(ua)nc
nom amet de coratge. e sui me
tart aperceubutz. que trop ai
fait lonc badatge. mas ieu segrai
son uzatge. de cui quem uuelha
serai drutz. e trametra per tot sa
lutz. et aurai mais cor uolatge.

Truans uuelh esser per samor.
e coue quab lieys aprenda. pero
non uei domneiador. qui miels
de mi si entenda. mas bel mes q(ua)b
lieys contenda. qualtra nam plus
belle melhor. q(ui)m ual e ma iudem
socor. em fai de samor esmenda.

Aquesta ma fait tan donor. que
platz li qua mercem prenda. e p(re)c
la del sieu amador. quel ben que(m)
fara nom uenda. nim fassa far
longua tenda. que lonc termini
fai paor. q(ui)eu no uei maluatz do-
nador. quab lonc respieit nos de-
fenda.

Ma domnam fon al co-
mensar. franche de belha compa-
nha. per so la dei ieu mais amar.
que sim fos fer et estranha. q(ue) dregz
es que domnas franha. ues selui
quia cor damador. qui trop fai so(n)

amic preyar. dreigz es que mer-
ces li sofranha.

Domna pensem de lenginhar.
lauzengiers cui dieus contranha.
que tan cum hom lor por emblar.
de ioi aitan se gazanha. e que
ia us non sen planha. lonc te(m)ps
pot nostra mor(s) durar. sol quant
luecs er uulham parlar. e quan
luecs non er remanha.

Dieu lau quera sai ieu chantar.
malgratz naya na dols esgar. e
selh ab cui sa companha. quar ieu
ges nous puesc o blidar. ans uos
ain eus uuelh eus tenh car. quar
metz de belha companha.