[c. 62 v.]
 |
| ....Bele dame me prie de chanter si est bien droiz q(ue) ie face chancon ie ....ne men sai ne ne puis destourner car noi pouoir de moi se par lui no(n) or li ....doint diex a droit port ariuer car il est mi |
 |
| Preus (et) sage ie ne vous os (con)ter la grant dolour q(ue) iai sanz cha(n)ta(n)t no(n) (et) sachiez bien plus nen orroiz parler car ie ni uoi nulle droite raison iaim mielz ainsi soufrir (et) endurer ses tres dous maus sanz auoir ga - rison q(ue) de une autre qua(n)que on puet demander ce sachiez bien debon |
 |
| aire au dous non. De ceste amour q(ui) tant me fet pener ne uoi ie pas con ia(n) puisse p(ar)tir car ie ni uoi resoin de leschiuer ne nest pas droiz que iem doie ioir mes faus desirs fait si mo(n) cuer penser en si haut leu q(ue) ni pu - et auenir (et) fine amours si ne doi pas greuer ceulz qui painne(n)t touz iourz |
 |
| de lui seruir. Sonques amis ot ioie pour amer ie sai de uoir q(ue) ni doi pas faillir car nus forz moi ne porroit en durer les gra(n)z trauaus q(ue) iai pour lui seruir a son plaisir me fet plaindre (et) plorer. (et) soupirer (et) ueillier. sanz dormir mes itant fu a moi reconforter q(ue) nuit (et) iour en plourant |
 |
| la remire. Ie ne me sai tenir ne (con)forter de uouz biaus cuers seruir entierement (et) quant ie plus v(ous) doi m(er)ci crier lorz v(ous) truis ie cruel si du - rement q(ue) ia amoi ne ferez biau sanblant ains le faites autrui por moi greuer mes qua(n)t u(ost)re oil me ueillent regarder (et) ie remir le u(ost)re biau cors gent tout sui ie fors de paine (et) de tourment |