 |
| B. de uentadorn. Eras no uei luzir solelh. tan me son esclarzit li ray. e ges p(er) aisso nom esmay. cuna clardat me sole- lha. damors que al cor mi raya. e cant autra gen sesmaia yeu melhur. qui que sordei. p(er) que mos chans nos sor- deya. |
 |
| Prat uert mi semblo(n) uermelh. atressi co(m) el temps d(e) mai. sim fay finamors cue(n)de gai. e neis flor blanca u(er)melha. e liuern calenda maya. la genser e la pus gaia. ma p(ro)mes q(ue) samor mautrey. se(n)q(ue)r no lam desautreia. |
 |
| Paor me fai maluat cosselh. p(er) q(ue)l segles mor e dechay. e say saiustan li sauay. elus ab lautres cosselha. cossi finamor dechaia. e maluada ge(n) sauai- a. q(ui) uos ni uostre cosselh crey. dombre dieus prec q(ue)l de- chaya. |
 |
| Daq(ue)ls me rancur em q(ue)relh. q(uem) fan eras dol (et) esmay. e peza lur lo ioi q(ui)eu ai. e mas cascus se(n) q(ue)relha e dautrui ioi sen apaia. ia yeu melhor dreg no(n) aia. cap dreg deport uens e guerrey. aq(ue)l q(ue) pus me guerreya. |
 |
| Nu- eg e ior(n) pes cossir e uelh. planc e sospir e pueis mapai. ca(n) mielhs me ua (et) yeu pietz tray. mas un bo(n) res pieg mes- uelha. damor q(ue) mo(n) cors mapaya. fols soi car dic q(ue) mal traya. mas ta(n) ricame(n) me uey. q(ue) bem uay sol q(ue) la ueya. |
 |
| Ies ma dona nos m(er)auilh. sieu li q(ui)er samor ni q(uem) bai. segon la foldat q(ui)eu retrai. fara bela m(er)auilh si iam p(er)do la nim baia. ai seria q(ui) lam retraya. cal uos ui ni cal uos uey. p(er) be(n)anansa q(uem) ueya. |
 |
| Finamor ab uos mapa- relh. p(er)o nos coue ni seschay. mas sol com a mi do(n)s plai si be(n) es locx caparelha. com de finamor meschay. e dona p(er) m(er)ceus plaia. caiatz del uostramic m(er)cey. q(ue) uas uos ta(n) ge(n) m(er)ceya. |
 |
| E sapchatz sen breu no(n) la uey. a lo(n)gas cug que la ueya. |