 |
ARa no(n) uei luzir solei. Tan me sui escrurzir li rai. E ies p(er) aizo no mesmai. Cuna clardatz mi soleia. Damor quiz el cor miraia. E qan autra ge(n)z ses maia. Eu meillor enanz qe sordei. P(er) qe mos chanz no sordeia. Part me semblon uert eu(er)mei. E inuern co(m) el te(m)ps de mai. Sim ten fin amor coinde gai. Neis me par flor bra(n)che u(er)meilla. E inuer kallenda maia. Qe la genser ela plus gaia. Ma mandat qe mamors lautreia. Samqer nola(m) desautreia. PAur mi fan maluatz conseil. P(er) qel segles muer edeschai. Cara saioston li saluai. E lus ab lautre conseilla. Cossi fin amors deschaia. A maluaisa ge(n)z saluaia. Qi uos nil uostre (con)seil creia. Dominideu pers emescreia. DA qels me muer em co(n)seil. Qira mi fan dol (et) esmai. Car pessa lor del ioi qeu ai. E pois chascus se (con)seilla. Del autrui ioi on ses glaia. Ia nuil autre dreit no(n) aia. Cab sol deport uenc eguereia. Celui qe plus miguereia. Noit eiorn pens cossir eueil. |
 |
Plan esospir epuis mapai. On mielz mesta ez ui mal trai. Mas uns bos respitz mesueilla. Don mos coratges sapaia. Fols sui car dic qe mal traia. Puis ta(n)t ric corage uea. Pro nai ab sol qelenueia. Dama de uos meraueill. Si qer samor meil dic qem lai. Contra la foudat qeu retrai. Fura genta meraueilla. Si iam p(er)colla ni(m) baia. Ha sera ia co(m)me retraia. Cal uos ui ecal uos uei. P(er) bona manza qem ueia. |