  |
B ele ydoine se siet desous la verde oliue. en son |
 |
pere vergier. asoi tence et estriue. de vrai cuer souspirant se plaint. lasse chaitiue. Amis rienz ne mi vaut. sons note ne estiue. quant ne vous puis veoir. nai talent que pluz viue. he. dex. Qvi damours sent dolour et painne. bien doit auoir ioie prochainne. A immi lasse fait ele (com) ci a longue atente. cuens Garsiles amis pour vous sui en tourmente. Amis la vostre a- mour me liure tele entente. quen ler- mes et en plours vserai ma iouuen- te. nen puis viue eschaper se ne vous voi v sente. he dex. Mar fust onques la guerre de mon pere esmeue. par quoi en cest pais est vostre gent venue. tant lauez par vos armes richement . maintenue. qua- finee lauez. et la pais conseue. maiz ancoiz fu la vie maint cheualier tolue. he. dex. B ien fust ore la terre de mon pere escillie. toute la gent menue et mor- te et malbaillie. se la guere ne fust |
 |
acordee et paie. v tant estour feistes. tante fiere assaillie. dont puis ai main- te nuit pour vostre amour veillie. he. dex. Q vant ferme fu la pais et la guerre furnie. que toute fu montee la vostre baronie. vo cors me presetastes v ainc not vilenie. maiz ia ere pour vous de mon cuer desguarnie. he. dex. Amis vostre biautez me plaist molt a retraire. tant estes donz et franz. courtois et debonaire. conques rienz enueis moi ne vousistes mesfaire. ta(n)t mauez fait damour. ne me poez mes- plaire. si que mon cuer ne puis de vo- stre amour retraire. he. dex. He. lasse que ferai tant sui en grant destrece. amis vostre biautez. vos sens vostre prohece. mont si feru dun dart damour quel cuer me blece. se vous ne len ietez nest hom qui hors len me- ce. quar vous i auez mis et le cuer et le fleche. he. dex. Qve que la bele ydoine pleure et plai(n)t et dolouse. le preu Garsilion qui tant aimme et goulouse. atant es vous sa maistre de tost aler ialouse. isnele- ment courant toute vne voie herbouse. et voit sa damoisele en vie delerouse. he. dex. D emoisele fait ele fraignies vostre corage. trop auez hui menee grant do- lour et grant rage. li rois et la roine ont percut vostre vsage. et bien die(n)t entreus que nestes mie sage. atant es vous sa mere. ia i aura damage. he. dex. P ar les treces la prent quele ot blondes (com)lainne. deuant le roi son pere isnelement l'en mainne. son er- rement li conte dont bien estoit certai(n)- |
  |
ne. or aura dist li rois bateure prochai(n)- ne. puis la ferai serrer ens en la tour autainne. he. dex. Tantost fait la pucele despoiller et descaindre. tant la bati dun fraun la ou la puet ataindre. que toute sa char blanche li fait en vermeill taindre. puiz la fait enserrer en la tour et remaindre. einsi la cuide bien chastoier et destrain- dre. he. dex. Or est la bene ydoine en la tour seule mise. maiz pour ce ne changa son cuer en nule guise. quele est si de lamour Garsilion esprise. quil nest rienz en cest mont quele tant aimme et prise. en plourant le regrete. quar bien en est aprise. he. dex. T rois ans fu la pucele en la tour en- serree. son douz ami regrete dolante et esploiree. he. douz amis fait ele (com) longue demouree. ie sui pour vostre a- mour en ceste tour quaree. toute i morrai pour vous. tant sui ie pluz iree. he. dex. Lors crie de rechief et ploure a vois aitainne. amis pour vous ai traite mainte dure semainne. ci fui pour vo- stre amour en serree agrant painne. ne puis seur pies ester. tant sui soupri- se et vainne. a cest mot chiet pasmee sanz vois et sanz alainne. he. dex. Li rois ot entrendu et le cri et la noi- se. durement sesmerueille quant ele ne sacoise. en la tout vint courant pluz tost que cers ne voise. sa fille voit pas- mee. ses bras la prent na talent quil senuoise. he. dex. Grant dolour a au cuer li rois ne set que dire. la roine ireuient de duel con- font et dire. de pasmoisons reuient la be- |
  |
le. si sonspire. fille ce dit li rois. ceste a- mour vous empire. quant ele puet par- ler. si respont voire sire. lasse toute i mor- rai. ne men puis es(con)dire. he. dex. F ille (com) ceste amour vous a palie et tai(n)- te. damer Garsilion ne vous estes pas fai(n)- te. ia ne verras vn mois si ta samours a- tainte. sire pour dieu merci. ci na mest(er) destrainte. se nel ai aseigneur de duel se- rai estainte. he dex. F ille se vous volies entendre amaria- ge. fill de roi vous donroie riche et de haut parage. sire ia aurai home en tre- stout mon eage. se nai Garsilion le bel le preu le sage. car si vaillant sanz vos. ne sai en nul lignage. he. dex. Q vant li rois ot sa fille quailleurs ne veut entendre. vn tournoi fait crier. que pluz ni veut atendre. deuant la tour sera. bien si porront estendre. et qui le pris aura si li (con)uendra prendre. ydoine la cortoise v il na que reprendre. he. dex. Par le pais fu tost seue la nouuele. plus lor plaist aoir que harpe ne viele. tuit dient quil iront conquerre la pu- cele. pour samour meteront mainte lance en astele. he. dex. Lors viennent ch(evalie)r de mainte terre estraigne. pour amour la pucele. ni a nul qui remaigne. cuens Garsiles i vi(n)t amout riche (com)pagne. deuant la tour la bele ot mainte riche ensaigne. et li tournois (com)mence ni a nul qui se faig- ne. he. dex. Chascuns por bele ydoine de bien fai- re sauance. qui sert mise as fenestres. not si ientill en france. son douz ami presente par amours vne manche. et li cuens la recoit. ens v tornoi se lance. ainc miendres ch(eualie)rs. ne tint escu ne |
  |
lance. he dex. R iches fu li tornois desouz la tor an- tiue. chascuns par sa prohece veur quy- doine soit siue. et la bele sescrie cuens Garsiles aiue. li cuens qui ch(evalie)r ne doute ne esciue. a fait le iour vuidier mai(n)t cheual et mainte yue. he. dex. M out le fait bien Garsiles qui prohece a et force. pour amour ala bele sesuer- tue et esforce. ces escus perce et fent (com) sil fussent descorce. a ch(evalie)r nassamble. qua terre nele porce. he. dex. Tout le tornoi veinqui la pucele a (con)quise. et li rois li dona si la afeme prise. en sa terre len porte. a haute honor la mise. mout doucement sentraiment loiaument sanz faintise. or ala bele ydoine quant que ses cuers deuise. he. dex. |