 |
| Sire Adans de gieuenci. Mar vic loial voloir (et) ialousie. ki ens mon cuer se sont acompaig niet. vendue mont molt chier lor compaignie. car trop men voi du rement empirier. en vers amors en ont milleur marchiet. cil quj ialous se font par trecherie. car il en ont (et) amor (et) amje. (et) loiautes ma de ioie eslongie. |
 |
| Teus ameroit tous les iors de se vie. naueroit tel ta(n)s deprouer sa mistie. com iai entant kai ma dame seruie sele daignoit bien mauroit assaie. mais son cuer voi si forment desuoie. kele croit bien ke chil lait deseruie. samor ki la pour ses faus dis traie. (et) mj bien fait sont anoient iugie. |
 |
| Dont mochir ra la dolours (et) le(n)vie. de moj dolant de mon anemj lie. a son amj voj |
 |
| ma dame anemie. (et) de samor son anemj aidier. doublement a mon cuer ma dame irie. pour la millor deli monde loj coisie. mais orsaj bien kes reli ques na mie. en molt de lieus ou li saint sont quidie. |
 |
| Oi ave ma douce felonie. dame pour dieu ne vous ait anoiet. nest pas amors mais doce deruerie dun desirier ardant outrequidie. ki mon cuer a si forment desuoiet. ke ie ne saj kest sens ne kest folie. si com cest voirs men doinst diex v(ost)re aie. (et) v(ost)re gre ke iaj tres couoitie. |
 |
| A vous me renc dame pris et loie. en sospirant se met a v(ost)re pie. mes cuers ki velt ken vers vous mumelie. (et) kavous soit ma cancons envoie. car il vos a lui meisme envoie. |