 |
Lo risignols sesbaudeia. josta la flor el uer jan. epren men tan granz enueia. qe no(n) puose mudar no(n) chan. enon sai de que- ni de cui. car eu no(n) am me ni autrui. efas esfors car sai faire bon uers eno(n) sui amaire. |
 |
Mais adamor qui domneia. aborguoill (et) ab enian. que sels que tos tems merceia. Nis uai trop humilian. capenas uol amors celui. ques francs efis si com eu sui. so ma tot mo(n) affaire. qanc no(n) fui fals ni trichaire. |
 |
Oatressi tol ram si pleia. lai ol uens lo uai me- Nan. era uaslei quem guerreia. aclis per far son coman. per aiso ma follem destrui. don amal lignaie redui. Cams los oill li don a- traire, sautre tort mi pot retraire. |
 |
Non es hom qui dellei ueia. la dreg cors nil bel semblan. que diga quella auerdeia. fellon cor ni mal talan. mas laiga que soan saidui. espeier qe sella que brui. enian fai qui de bon aire. sembla eno(n) oesgaire. |
 |
De totz locs onil esteia. on destuoil em uau Loingnan. eperso que no(n) la ueia. pas li mos oills claus denan. jenioga de mi es desdui. cab eis lo sieus tortz mi conclui. et es uers tos temps qelaire. cuia tut sion siei fraire. |
 |
Ia no(n) er si tot mi greia. que greu mes caissim recre Ia. ni perga tan lonc affan. asos obs me gar de me strui. esino(n) em amic amdui. no(n) se(m) bla ni mes ueiaire. cautramors lo cor mesda Bernartz del uentadorn. xuj. ire. |