[c. 12ra-va]
   |
li ros de nauare D e bone amour uient sci- ence et biautez. et a- mours uient de ces deus autresi. Li troi sunt un qui bien i a pense.
ti. par un conseill sunt ensamble e-
ale. de mon cuer ont fait lor che- Li coureour sunt la nuit en clarte. et le iour sunt pour la gent oscurci. li douz reguart plaisant et sauoure. la granz biautez. et li biens que gi vi. ne men merueill. se ie men esbahi. de li adiex le siecle enlumine. quar qui uerroit le pluz biau iour deste. uers li seroit oscurs en plain midi. En amour a paour et hardement. li dui sunt troi. et du tiers sunt li dui. et granz ualours est aciauz a- pendanz. u amours a et recoi . et re- fui. pour ce est amours li hospitauz dautrui. que nus ni faut selonc son auenant. et iai failli dame qui ualez tant. a vostre hostel. si ne sai qui ie sui. Or ni a plus. fors qua li me con- mant. quar touz biens fais ai lais- siez pour cestui. ma bele uie. u ma mort i atent. ne sai le quel. maiz quant deuant li fui. ne me firent si uair oeill point danui. il mont naure parmi le cuer dedenz. dun douz re- guart . si amourousement. encore i est li colpz que ien recui. Li colpz fu granz . il ne fait quem- pirier. ne nuls mires ne le porroit sa- ner. se cele non qui le dart fist lancier. se de sa main i deignoit adeser. tost en porroit le coup mortel oster. atout le fust . dont iai grant desirrier. maiz la pointe du fer nen puet sachier. que- le brisa dedenz au coup douner. |