[c. 19 v.]
 |
| A vos amors plus qa nule autre gent est bien rai - sons que ma dolor (com)plaigne. car il mestuet partir ou - treiement (et) desseurer de ma dolce (com)paigne. (et) qant li perz naim rien qui me remaigne. (et) sachiez bien amors seurement sainz nus morout por auoir cuer dolant. iamais p(er) moi niert chantez uers ne lais. Por deu am(or)s q(ui)ert ce donc (et) coment. couendra mil en |
[c. 20 r.]
 |
| la fin (con)gie prandre. oil p(ar) deu ne puet estre altrement por uos men uois morir en terre est(ra)nge. ne cudiez pas ke g(ra)nz duels me sosfraigne. q(ue) ie nen ai (con)fort naligement. ne de nului auoir ioie natent. fors q(ue) de li ne sai se ciert iamais. P(ar) deu amors g(ri)e miert a (con)sirrer des dolz solaz (et) de la (com)paignie. (et) des samblanz q(ue) me soloit mostrer. q(a)nt ele mestoit (et) (com)paigne (et) amie. (et) q(a)nt recorz sa simple cortesie (et) les douz moz q(ue) suet a moi parler. coment me puet li cuers ou cors durer. qant ne sen part certes molt est |
 |
| maluais. Ne me uolt pas dex en perdon doner toz les deduiz kai euz en ma uie. ai(n)z les me fait chierement (com)parer. (et) se dot molt q(ue) samors ne mocie. m(er)ci am(or)s fut ai(n)z tels uilenie. q(ue) uilains fait bone am(or) desseurer. ne ie ne puis de li mo(n) cuer oster. (et) si mestuet q(ue) ie ma dame lais. Or seront lie li felon t(ra)itor kauoient duel . des biens kauoir soloie. mais pelerins ne serai ia lo ior. por ceu ka els en bone pais me soie. p(or) ta(n)t puis b(ie)n per - dre tote ma uoie. (et) sachent b(ie)n li fals losengeor. se deus uoloit q(ui)l eussent mamor. ne me porroit doner |
 |
| pl(us) pesant fais. Je men uois dame a deu lo c(ri)ator q(ui) soit o u(os) en q(ue)l leu que ie soie. ne sai se ia uerrai mais lo retor. auent(ur)e /est/ q(ue) iamais u(os) reuoie. p(o)r deu u(os) p(ri) ou que tengne ma uoie. q(ue) mes couanz te(n)gniez uengne ou demor. (et) ie p(ri) deu kensi me doinst honor. co(m) ie uos ai este amis uerais. De moie p(er)t di chancons si ten croie. q(ue) sols men vois q(ue) nai altre seignor. (et) b(ie)n sachiez dame de g(ra)nt valor. se ie reuieng. q(ue) por u(os) seruir nais. |