| perolus. D el seu tort farai emenda lei qe(m) fes partir de se. Qen qar ai talent qel renda. Sil plaç ma chanços e me. Sanç respit dautra merce. Sol sofra qen leis me(n)tenda. E qel bel nien matenda. Pos p(er) negun dan qe me(n) prenda De sa mistat nu(m) recre. Anç soffri qanqe men cenda. La pena el dan qe men ue. far mi degra qalqe be Mas nos tang qeu la reprenda Se tut ses uer qil mesprenda. Ben sai qe ges no(n) porria Mon cor de samor ostar. Per ira ni p(er) feonia Ni per autra do(m)na amar No men chal plus essaiar. Mas ela soa merce sia Qeu la merai tota uia. Molt en cossir noit (et) dia. E no me(n) sai cossillar. Pero si se deuenia Gra(n)t desir ai dun basar Li pogues tolre oemblar. E sil pois sen irascia Volenter lo li rendria. Mas no(n) es nuls hom qi tegna. Tant apoderaç amors Quera uol q(e)m desouegna Del ric iois el gent socors. Qauia trobat allors. Mas ale plaç qem destegna. P(er) tal qe no(m) uol ni degna. Bona do(m)na en cui regna. Sens ebeutaç e ualors Sofrereç qaissim destegna Lo desirers el lamors. Si uals desplasers menors. Mi fach tant don ioi mi uegna Sol ca uos nos descon uegna. Dalfin solaç et amors. E cortes sens uos ensegna. Cossi iois e preç ma uegna. Chanconeta uai decors Dire midons qit retegna. Pos mi retener no degna. |