 |
| Crestijen de troies JOie ne guerredons damours ne vienent pas par bel seruir. car ont voit chaus souuent. faillir ki seruent sans aillours. si men air. q(ua)nt celi serf sans repentir. ki ne me veut faire secours. |
 |
| Voirs est camours est grans |
 |
| doucours. quant doi cuer sont .i. sans partir. mais amours fait lun seul languir. (et) les anuis sentir tous iours. bien os gehir q(ue) ne puis a amours venir. en amors gist tous mes secours. |
 |
| Li grans pris (et) li g(ra)nt doulcors de la bele qui tant desir. sa beau- tes quen mon cuer remir. ses clers uis sa fresce coulour. me font chierir ma mort boenement (et) soufrir les maus damer (et) les dolors. |
 |
| La bele des nompers la flour ne faites vostre pris mentir. par trop merci c(on)tretenir. cains q(ue) uos uiegne desho- nors voel miex morir. si nara en vos caco(n)plir. ne rien ne feres a rebours. |
 |
| Ia niert perie ma labours. se fins cuers puet damors ioir. mais ie criem par trop haut choi sir. ne soit mes guerredons trop cours. par son plaisir. li proi de merchi acoillir au- mosne li ert (et) honors. |