[c. 75 r. A]
 |
Li chastelains de couci. Ie chantasse uolentiers liement. se gen trouasse en mon cuer la chaison. mes |
[c. 75 r. B]
 |
ie ne puis dire se ie neme(n)t. qaie damors nule riens se mal non. porce ne puis dire se ie ne ment. qaie damors nule riens se mal non. por ce ne puis faire lie chanco(n). quamors le me des enseig - ne. qui ueut que iaim. et ne ueut que ie tiegne. ensi me tient amors en desespoir. |
[c. 75 v. C]
 |
quel ne mocit ne ne lait ioie auoir. Ie ne doi pas amors grant mal uoloir. sala plus bele dou monde mon cuer rent. conq(ue)s biaute ne fist si son pooir. des - tre auec lui si esmereement. come ele fait deson tres biau cors gent. que riens que a grant biaute tiegne. nest uis qui ason cors souffraig - ne. fors qun suel poi limes - siet ce mest uis. ce que trop tient ses euz de moi eschis. Quant ie regart son debon aire uis. (et) ie la pri sans bi - au respons auoir. nest mer ueille sen lesgart mes bahis. quant ie conois mamort (et) sai deuoir. puis que mer ci ne mi daigne ualoir. ne sai ou nul confort preigne. car ses orgueils mocit (et) li ma haigne. ha douce riens cru - els tant mar uos ui. qua(n)t por mamort nasquistes sanz |
[c. 75 v. D]
 |
merci. Que ferai dieu partirai moi deli. ains que samor me par ait tout ocis. nenil uoir las il ne peut estre issi. quamors me tient (et) ma uolentiers p(ri)s. quia mon cuer enli por mo - rir mis. ne iames tant ne mespreigne. que sans merci ou sans mort en reueigne. quasses uueill melz morir endouz desir. que uiure iries (et) ma uie hair. Desque mes cuers ne sen ueut reuenir. de uos dame por qui il ma guerpi. aumos - ne aurois sel daignies rete - nir. car sil reuient amoi ail failli. por u(ost)re honeur (et) por dieu uos enpri. que deli pi - tie uos preigne. quil nafi - ert pas auos que nus sen plaigne. quel mont nauoir si cruel traison. con biau sen - blant de corage felon. |