[c. 69 r. A]
 |
Li chastelains de couci. Li nouiaus tens et mays (et) uiolete. li rosignox me semont de chanter. et mes fins cuers ma fait du - ne amorete. un douz prese(n)t que ie noz refuser. or me doint dex entel honor mon ter. que cele ou iai mon cuer et mon penser. tiegne une fois entre mes bras |
[c. 69 r. B]
 |
nuete. ainz q(ue) uoise outremer. Au comencier la trouai si doucete. quonc ne cuidai por li maus endurer. mes ses clers uis (et) sa fresche bou chete. et sibel oeil uair (et) ri - ant (et) cler. mont si sorpris que ne mi soi garder. se ne mi ueut retenir ou quiter. melz aim ali faillir sime pramete. qua une autre acheuer. De cent souspirs que ie li doi de rente. ne me ueut ele un soul quite clamer. ne fo - le amor ne doit metre sen tente. ali faire dormir ne re poser. cele mocit mains a - ura agarder. ie ne men sai uengier fors au plorer. qui fole amor ocit (et) desherite. ne sen set ou clamer. Seur toute rien est cele co ronee. qui damors uit dex ifaudrai ie donc. oil par deu tels est ma destinee. (et) ce destin mont done li felon. q(ui) mont tolu de mamie le don. |
[c. 69 v. C]
 |
(et) qui ce tout il ne puet faire don. auoir ipeut anemis et mellee. ni fait se perdre non. Las por quoy lai de mes euz regardee. la douce riens qui fausse amie anon. ele me rit (et) ie lai tant ploree. si doucement ne fu trais nus hon. tant confui miens ne me fist se bien non. mes or sui siens si mocit sans raison. seul por itant que de cuer lai amee; ni trueue autre achaison. |