[104v]
 |
A Chantar mer de so qieu no uol ria. tant me rancur de lui cui sui amia. car eu lam mais q(ue) nuilla ren q(ue) sia. Vas lui nom ual merces ni cortesia. ni ma beltatz ni mos pretz ni mos sens. catressim sui enganada e trahida. com degresser sieu fos desaui nens. D aissom conort car anc non fis fail lenssa. amics uas uos p(er) nuilla cap tenenssa. anz uos am mais non fetz seguis ualenssa. eplatz mi mout que eu damar uos uenssa. lo mieus amics car etz lo plus ualens. Mi faitz orgoil en digz (et) en paruenssa. e sietz francs |
[105r]
 |
uas totas autras gens. M eraueill me cu(m) uostre cors sorgoilla. amics uas me p(er) qai razon qe(m) doilla. non es ies dreitz cautramors uos mi toilla. p(er) nuilla ren qeus diga nius o coilla. e membre uos cals fol comenssa mens. de nostramor ia dompnedieus non uuoilla. Qen ma colpa sial depar timens. P roessa grans qel uostre cors saizi na. e lo rics pretz qauetz men atai na. cuna non sai loindana ni uezi na. Si uol amar uas uos no siaclina. Mas uos amics et ben tant conois sens. Q(ue) ben deuetz conoisser la plus fina. emembre uos de nostres coui nens. V aler mi deu mos pretz emos parat ges. ema beutatz e plus mos fins co ratges. p(er) qieu uos man lai on es uo stre estatges. esta chansson q(ue) me sia messatges. e uoill saber lo mieus bels amics gens. p(er) que metz uos ta(n)t fers ni ta(n)t saluatges. no sai si ses orgoills ni mals talens. M as aitan plus uuoill li digas mes satges. Qen trop orgoill ant gran dan maintas gens. |