Edizione dell'archetipo

Schede primarie

Versione stampabilePDF version
Edizione dell'archetipo Edizione interpretativa di C
I I
Mout iauzions mi prenc amar
un ioy don plus mi vuelh aizir;
e pus en ioy vuelh revertir,
ben dey, si puesc, al mielhs anar,
quar mielhs or n'am, estier cujar,
qu'om puesca vezer ni auzir.		 Molt iauzens me prenc en amar
un ioy don plus mi vuelh aizir;
e pus en ioy vuelh revertir,
ben dey, si puesc, al mielhs anar,
quar mielhs or n'am, estier cujar,
qu'om puesca vezer ni auzir.
II II
Ieu, so sabetz, no·m dey gabar,
ni de grans laus no·m say formir,
mas, si anc nulhs ioys poc florir,
aquest deu sobre totz granar
​e part los autres esmerar,
si cum sol bruns iorns esclarzir.		 Ieu, so sabetz, no·m dey gabar,
ni de grans laus no·m say formir,
mas, si anc nulhs ioys poc florir,
aquest deu sobre totz granar
​e part los autres esmerar,
si cum sol bruns iorns esclarzir.
III III
Anc mais no poc hom faissonar
cors, en voler ni en dezir
ni en pensar ni en cossir;
​aitals ioys no pot par trobar
e qui be·l volria lauzar
​d'un an no·y poiri'avenir.		 Anc mais no poc hom faissonar
con, en voler ni en dezir
ni en pensar ni en cossir;
​aitals ioys no pot par trobar
e qui be·l volria lauzar
​d'un an no·y poiri'avenir.
IV IV
Totz ioys li deu humeliar
e tota ricors obezir
midons, per son belh aculhir
e per son belh plazent esguar,
e deu hom mais cent ans durar
qui·l ioy de s'amor pot sazir.		 Totz ioys li deu humeliar
e tota ricors obezir
midons, per son belh aculhir
e per son belh plazent esguar,
e deu hom mais cent ans durar
qui·l ioy de s'amor pot sazir.
V V
Per son ioy pot malautz sanar,
e per sa ira sas morir,
e savis hom enfolezir,
e belhs hom sa beutat mudar,
e·l plus cortes vilanejar,
e·l totz vilas encortezir.		 Per son ioy pot malautz sanar,
e per sa ira sas morir,
e savis hom enfolezir,
e belhs hom sa beutat mudar,
e·l plus cortes vilanejar,
e·l totz vilas encortezir.
VI VI
Pus hom genser no·n pot trobar,
ni huelhs vezer, ni boca dir,
a mos ops la·n vuelh retenir,
per lo cor dedins refrescar,
e per la carn renovellar,
que no puesca envellezir.		 Pus hom genser no·n pot trobar,
ni huelhs vezer, ni boca dir,
a mos ops la·n vuelh retenir,
per lo cor dedins refrescar,
e per la carn renovellar,
que no puesca envellezir.
VII VII
Si·m vol midons s'amor donar,
pres suy del penr'e del grazir
e del celar e del blandir,
​e de sos plazers dir e far,
e de son pretz tenir en car,
e de son laus enavantir.		 Si·m vol midons s'amor donar,
pres suy del penr'e del grazir
e del celar e del blandir,
​e de sos plazers dir e far,
e de son pretz tenir en car,
e de son laus enavantir.
VIII VIII
Ren per autruy non l'aus mandar,
tal paor ay qu'ades s'azir;
ni ieu mezeys tan tem falhir
no l'aus m'amor fort assemblar. 
Mas elha·m deu mo mielhs triar,
pus sap qu'ab lieys ai a guerir.		 Ren per autruy non l'aus mandar,
tal paor ay qu'ades s'azir;
ni ieu mezeys tan tem falhir
no l'aus m'amor fort assemblar. 
Mas elha·m deu mo mielhs triar,
pus sap qu'ab lieys ai a guerir.
  • letto 747 volte