I.
3
Testo Dejeanne 1909
En abriu, s'esclairo·il riu contra·l Pascor,
E per lo bruoill naisso·il fuoill sobre la flor;
Bellamen, ab solatz gen, e·m conort de fin' Amor.
Testo Gaunt-Harvey-Paterson 2000
En abriu s’eslairo·il riu contra·l Pascor,
e per lo bruoill naisso·il fuoill sobre la flor,
bellamen, ab solatz gen, ab conort de fin’ amor.
II.
6
Qui a drut reconogut d'una color
Blanc lo teigna, puois lo deigna ses brunor;
C'amors vair' al mieu veiair' a l'usatge trahidor.
Qui a drut reconogut d’una color,
blanc lo teigna, puois lo deigna ses brunor:
c’amors vaire al mieu veiaire a l’usatge trahidor.
III.
9
Denan vos fara semblan bon per meillor,
Per servir gen, a talen mal per pejor;
Vers es, per ben fait, cap frait e mainz laisitz per honor.
Denan vos fara semblan bon per meillor;
per servir gen a talen mal per peior.
Vers es: per ben fait cap frait e mains laizitz per honor.
IV.
12
Dieus maldiga amor piga e sa valor;
Per sa lecha pren delech' al bevedor,
Qui trop heu plus que non deu lo vins li tol la vigor.
Dieus mal iga amor piga e sa valor:
per sa lecha pren delech a ·l bevedor:
qui trop beu plus que non deu lo vins li tol la vigor.
V.
15
Si l'amia non crezi' enganador
Lauzengier ni mal parlier acusador,
Sieus seria, si· m volia, ses bauzi' e ses error.
Si l’amia non crezia enganador,
lausengier ni mal parlier acusador,
sieus seria, si·m volia, sens bauzia e ses error.
VI.
18
Puois qu'ieu vei qu' ella non crei castiador,
Anz de totz malvatz pren patz, cals la groissor
A la den torna soven la leng' on sent la dolor.
Puois q’ieu vei q’ella no·n crei chastiador,
anz de totz malvatz pren patz, cals l’a groissor?
A la den torna soven la lenga on sent la dolor.
VII.
21
Denan mei n'i passon trei al passador,
Non sai mot tro· l quartz la fot e· l quinz lai cor.
Enaissi torn' a decli l'amors e torn' en negror.
Denan mei n’i passon trei al passador;
no·n sai mot tro·l qartz la fot, e·l qinz lai cor:
enaissi torn’a decli l’amors e torna en peior.
VIII.
24
Aquist con son deziron e raubador,
Tuit cill gartz i clam on partz et ill en lor,
E qui mieills fa sordeitz a, cum de l'agnel an pastor.
Aquist con son deziron e raubador;
tuit cill gartz i clamon partz et ill en lor:
e qui mieills fa sordeitz a, cum de l’agol’ an pastor.
VIII.
A dur auzel toi la pel cel qui escorja voutor.
A dur auzel tol la pel cel qui escortja voutor.