Emperaire, per mi mezeis,
Sai quant vostra proeza creis,
No·m.sui jes tarzatz del venir,
Que Jois vos pais e Pretz vos creis,
E Jovens vos ten baud e freis
Que fai vostra val or doucir.
Testo Gaunt-Harvey-Paterson 2000
Emperaire, per mi mezeis,
sai, qan vostra proez’acreis,
no·m sui jes tarzatz del venir,
que jois vos pais e pretz vos creis
e jovens vos ten baut e freis,
qe·us fai vostra valor techir.
II.
12
Pois lo fills de Dieu vos somo
Que· l vengetz del ling Farao,
Ben vos en devetz esbaudir;
Contra·ls portz faillon li Laro,
Li plus de conduich e de do,
E ja Dieus no· ls en lais jauzir !
Pois lo fills de Dieu vos somo
qe·l vengetz del ling Farao,
ben vos en devetz esbaudir;
c’outra·ls Portz faillen li baro,
lo plus, de conduich e de do,
e ja Dieus no·ls en lais gauzir!
III.
18
Mais en cels de lai es remas
Ad ops d'Espaigna e del vas,
En devetz ben l'afan soffrir,
E·ls Sarrazis tornar atras,
E de l'aut orguoill forvenir,
E Dieus er ab vos al fenir.
Mas en cels de lai es romas,
ad ops d’Espaigna e del Vas
en devetz ben l’afan sofrir,
e·ls Sarrazis tornar atras,
del aut orguoill far venir [bas],
e Dieus er ab vos al fenir.
IV.
24
Als Amoravis fai conort
Per las poestatz d'outra·l port
Qu'ant pres una tel' ad ordir
De drap d'enveia e de tort,
E ditz cadaüs qu'a sa mort
S' fara de sa part desvestir.
Als Amoravis saill conortz
per las poestatz d’outra·ls Portz
q’an pres una tela ad ordir
de drap d’enveia e de tort,
e ditz cadaüs q’a sa mort
·s fara de sa part devestir.
V.
30
Mas de lai n'ant blasme li ric
C'amon lo sojorn e l'abric
Mol jazer e soau dormir.
E nos sai, segon lo prezic,
Conquerrem de Dieu per afic
L'onor e l'aver e·l merir.
Mas de lai n’ant blasme li ric,
c’amon lo sojorn e l’abric,
mol jazer e soau dormir,
e nos sai, segon lo prezic,
conquerrem, de Dieu, per afic
l’onor e l’aver e·l merir.
VI.
36
Trop s'en van entr'els cobeitan
Aicill que vergoigna non an,
E·s cuion ab l'aver cobrir;
Et ieu dic lor, segon semblan,
Que· l cap derrier e· ls pes denan
Los coven dels palaitz issir.
Trop s’en van entr’els cobeitan
aicill que vergoigna non an,
e·is cuion ab lauzar cobrir;
et ieu dic lor, segon semblan,
qe·l cap derrier e·ls pes denan
los coven dels palaitz issir.
VII.
42
Per pauc Marcabrus non trasaill
De Joven, can per aver faill,
E cel qui plus l'arm' acuillir,
Quan venra al derrier badaill,
En mil marcs non dari' un aill,
Si li fara la mortz pudir.
Per pauc Marcabrus non trasaill
de joven, qan per aver faill,
e cel qe plus l’ama acuillir,
qan venra al derrier badaill,
en mil marcs non daria un aill,
si·l li fara la mortz pudir.
VIII.
48
Ab la valor de Portegual
E del rei Navar atretal
Ab sol que Barsalona·s vir
Ves Toleta l'emperial,
Segur poirem crida: reial !
E paiana gen desconfir.
Ab la valor de Portegal
e del rei Navar atretal,
ab sol que Barsalona·is vir
ves Toleta l’emperial,
segur poirem cridar «Reial!»
e paiana gen desconfir.
IX.
54
Si non fosson tant gran li riu
Als Amoravis for' esquiu;
E pogram lor o ben plevir,
E s'atendon lo recaliu
E de Castella· l seignoriu,
Cordoa · il farem magrezir.
Si non fosson tant gran li riu,
als Amoravis fora esqiu,
e pogram lor o ben plevir;
e s’atendon lo recaliu
de Chastella lo seignoriu,
Cordoa·ill farem magrezir!
X.
57
Mas Franssa Peitau e Beiriu
Aclina un sol seignoriu,
Venga sai Dieu son fieu servir!
Mas Franssa Peitau e Beiriu
aclin’a un sol seignoriu,
veign’a Dieu sai son fieu servir!
XI. 59
Qu'ieu non sai per que princes viu
S'a Dieu no vai son fieu servir.
Q’ieu non sai per que princes viu,
s’a Dieu no vai son fieu servir!