Aujatz de chan com enans' e meillura,
E Marcabrus, segon s'entensa pura,
Sap la razon e· l vers Iassar e faire
Si que autr' om no l'en pot un mot traire.
Testo Gaunt-Harvey-Paterson 2000
Auias de chan com enans’e meillura
e Marcabru, segon s’entensa pura,
sap la razo del vers lasar e faire
si que autre no l’en pot un mot raire.
II.
8
Per so sospir car mouta gens ahura
De malvestat c'ades creis e pejura;
So m'en somon que sia guerrejaire,
C'a lieis sap bo qan m'au cridar e braire.
Pero sospir quar tota gens aüra
de malvestat que descreis e peiura;
c’aquist baro an comensat estraire,
e passat per un pertus de taraire.
III.
12
Li sordeior an del dar l'aventura
E li meillor badon ves la penchura;
La retraissos fai trist e sospiraire
C'a rebuzos fant li rie Ior afaire.
Li sordeior aun de dar l’aventura
e li meillor badon ves la penchura.
La retrazo ·n fas trist e sospiraire,
c’a rebuzos faun li ric lur veiaire.
IV.
16
No·i a conort en Joven, mas trop fura,
Ni contra rnort ressort ni cobertura,
Qu'ist acrupit l'an gitat de son aire
E de cami, per colpa de la maire.
Non a conort en joven mas trefura,
ni contra mort resort ni cobertura,
qu’ist acrupit l’an gitat de son aire
e de cami, per colpa de la maire.
V.
20
Qui per aver pert vergonh' e mezura
E giet' honor e-valor a non cura
Segon faisson es del sernblan confraire
A l'erisson et al gos et al laire.
Qui per argen pert vergonh’e mezura
e giet’onor e valor a non-cura.
Pretz ni valor no vezem tener gaire
quan per aver es uns gartz emperaire.
VI.
24
Proeza·s franh et avoleza·s mura
E no vol Joi cuillir dinz sa clauzura;
Dreit ni razon no vei mantener gaire
Quan per aver es uns gartz emperaire.
Proeza franh et avoleza mura
e no vol joi tener dins sa clauzura.
De la faiso es en semblan confraire
al eriso, et al gozet del braire.
VII.
28
Coms de Peitieus, vostre Pretz s'assegura
Et d'en Anfos de sai, si gair' ill dura,
Car Avignon e Proenssa e Belcaire
Te miels per sieu no fes Tolzan sos paire.
Coms de Peiteus, vostre pretz ameillura
e de N’Anfos de sa, si gaire·ill dura;
lai Avinhon, Proensa e Belcaire
te meils per sieu no fes Tolzan son paire.
VIII.
32
S'aquest n' Anfos fai contenensa pura
Ni envas mi fai semblan de frachura,
Lai vas Leo en sai un de bon aire
Franc de razo, corles e lare douaire.
S’aquest N’Anfos fai contenensa pura,
ni envas mi fai semblan de frachura,
sai vas Leo en sai un de bon aire,
franc, de sazo, cortes e larc donaire.
IX.
36
De Malvestat los gart Sanct' Escriptura,
Que no lur fassa cafloquet ni peintura;
Sel qu'es e fo regom recx e salvaire
La sospeiso del rei n'Anfos m'esclaire.
De malvestat los gart Sanct’Escriptura
que no lur fassa cuf, floquet ni peintura.
Sel qu’es e fo regom recx e salvaire,
la sospeiso del rei N’Anfos m’esclaire.