I.
4
Testo Dejeanne 1909
Amic(s) Marchabrun, car digam
Un vers d' Amor, que per cor am
Q'a l'hora qe nos partiram
En sia ]oing lo chanz auziz.
Testo Gaunt-Harvey-Paterson 2000
Amics Marchabrun, car digam
un vers d’amor, que per cor am,
q’a l’hora qe nos partiram
en sia loing lo chanz auziz.
II.
8
Ugo Catola, er fazam,
Mas de faus' amistat me clam,
Q'anc pos la serps haisset lo rarn
No foron tant enganairiz.
Ugo Catola, er fazam,
mas de faus’ amistat me clam,
q’anc pos la serps baissa lo ram
no foron tant enganairiz.
III.
12
Marcabrun, ço no m'es pas bon
Qe d' Amor digaz si ben non;
Per zo·us en mou e[ u ] la tenson,
Qe d' Amor fui naz e noiriz.
Marcabrun, ço no m’es pas bon,
qe d’amor digaz si ben non:
per zo·us en move la tenzon
qe d’amor fui naz e noiriz.
IV.
16
Catola, non entenz razon,
Non saps d'Amor cum trais Samson?
Vos cuidaz e·ill autre bricon
Qe tot sia vers quant vos diz.
Catola, non entenz razon:
non saps d’amors cum trais Samson?
Vos cuidaz e·ill autre bricon
qe tot sia ver qant vos diz.
V.
20
Marcabrun, no·s troban auctor
De Sanso · l fort e de s( a)' uxor
Q'ela n'avia ostat s'amor
A l'or[ a ] que ce fo deliz.
Marcabrun, nos trobam auctor
de Sanso·l fort e de sa uxor,
q’ela n’avia ostat s’amor
a l’ora q’el en fo deliz.
VI.
24
Catola, qar a sordejor
La det e la tolc al meillor,
Lo dia perdet sa valor,
Qe· l seus fo per l'estraing traïz.
Catola, qar a sordeior
la det e la tolc al meillor:
lo dia perdet sa valor
qe·l seus fo per l’estraing traïz.
VII.
28
Marcabrun, si cum declinaz
Qu' Amors si' ab engan mesclaz,
Dunc es lo almosna pechaz,
La cima devers la raïz !
Marcabrun, si cum declinaz
qu’amors si’ ab engan mesclaz,
dunc es lo almosna pechaz,
la cima devers la raïz.
VIII.
32
Catola, l' Amors dont parlaz
Camja cubertament los daz,
Aprop lo bon lanz vos gardaz,
Ço diz Salomons e Daviz.
Catola, l’amors dont parlaz
camja cubertament los daz:
aprop lo bon lanz vos gardaz,
ço dis Salomons e Daviz.
IX.
36
Marcabrun, amistaz dechai,
Car a trobat Joven savai;
Eu n'ai al cor ir' et escLai,
Qar l'en a levaz tan laiz criz.
Marcabrun, amistaz dechai,
car a trobat joven savai!
Eu n’ai al cor ira et esclai
q’ar l’en alevaz tan laiz criz.
X.
30
Catola, Ovides mostra chai
E L'ambladura o retrai
Que non soana brun ni bai,
Anz se trai plus aus achaïz.
Catola, Ovides mostra chai
– e l’ambladura o retrai –
qe non soana brun ni bai,
anz se trai plus aus achaïz.
XI.
33
Marchabrun, anc non cuit t'ames
L' Amors, ves cui es tant engres,
Ni no fo anc res meinz prezes
D'aitals joglars esbaluiz.
Marchabrun, anc non cuit t’ames
l’amors – ves cui es tant engres –
ni no fo anc res meinz prezes
d’aitals joglars esbaluïz.
XII.
36
Catola, anc de ren non fo pres
Un pas, que tost no s'en loignes,
Et enquer s'en loingna ades,
E fera, tro seaz feniz.
Catola, anc de ren non fo pres
un pas qe tost no s’en loignes,
et enqer s’en loingna ades,
e fera tro seaz feniz.
XIII.
39
Mar[ ca ]brun, quant sui las e·m duoill,
E ma bon' amia m'acuoill
Ab un baisar, quant me despuoill.
M'en vau sans e saus e garitz.
Marcabrun, qant sui las e·m duoill,
e ma bon’ amia m’acuoill
ab un baissar qant me despuoill,
m’en vau sans e saus e gariz.
XIV.
42
Catola, per amor deu truoill
Tressaill l'avers al fol lo suoill,
E puois mostra la via a l'uoill
Aprop los autres escharniz.
Catola, per amor deu truoill,
tressaill l’avers al fol lo suoill,
e puois mostra la via a l’uoill
aprop los autres escharniz.