| c.45v | |
 |
Dechanter mest priz corage. |
| c.46r | |
 |
cest larage. bien sai sil ne ma. |
 |
Amours ie vous faz honmage. |
| I | |
| Dechanter mest priz corage. pour la tres bele loer. ce que nai pas en vsage. mes amours me. font chanter. qui souuent me font trambl(er). li maux. dam(our)s. cest larage. bien sai sil ne ma. souage ie ne puis longues durer. |
De chanter m’est priz corage, pour la tres bele löer, ce que n’ai pas en usage. Mes amours me font chanter, qui souvent me font trambler: li maux d’amours c’est la rage. Bien sai s’il ne m’asouage, je ne puis longues durer. |
| II | |
| Amours ie vous faz honmage. car ie me puis b(ie)n vanter. que ieaing la plus tres sage dont oisse onques paller. qui plus biau se set porter. sanz. orgueil. (et) sanz outrage. ne ia por son g(r)ant parage. ne voudra boban me ner. |
Amours, je vous faz honmage! Car je me puis bien vanter, que je aing la plus tres sage, dont oïsse onques paller; qui plus biau se set porter sanz orgueil et sanz outrage, ne ja por son grant parage ne voudra boban mener. |
| III | |
| Ielai trop lonc tenz amee on ques ne li fiz sauoir ne vodroie. que blamee fust demoi. pornul auoir car enson paiz pour voir. ne(n) anule plus loee. quen dist. quil nest ame nee qui ses am(our)s. puisseauoir. |
Je l’ai trop lonc tenz amee, onques ne li fiz savoir! Ne vodroie que blamee fust de moi por nul avoir, car en son païz, pour voir, n’en a nule plus loee; qu’en dist qu’il n’est ame nee qui ses amours puisse avoir. |
| IV | |
| Len pert. (et) soulaz (et) ioie. q(u)ant. ieni puis auenir que(n) medist. q(ue) miex porroie la roine (con)uer- tir. si ne sai. que deuenir. que sienz sui. ou que ie soie. se lam(our) nest moie. ne me puet ioie venir. |
L’en pert et soulaz et joie, quant je ni puis avenir qu’en me dist que miex porroie la roïne convertir! Si ne sai que devenir, que sienz sui ou que je soie, se l’amour n’est moie, ne me puet joie venir. |
| V | |
| Chancon p(ar) amours trouuee. salue moi la vaillant. (et) se ton. chant. ne li gree. dili. quele me remant. ia ne seraz ditte aua(n)t mes se es deli amee. tu seraz so- vent chantee. de fin cuer halt (et)ioiant. |
Chançon par amours trouvee, salue moi la vaillant! Et se ton chant ne li gree, di li qu’ele me remant: ja ne seraz ditte avant. Mes se es de li amee, tu seraz sovent chantee de fin cuer halt et joiant. |
Links:
[1] https://gallica.bnf.fr/ark:/12148/btv1b84386028/f104.item.r=24406.zoom
