Soudadier, per cui es Jovens
Mantengutz e Jois eisamens,
Entendetz los mals argumens
De las falsas putas ardens;
En puta qui si fia
Es hom traïtz;
Lo fols, quan cuid' il ria,
Es escarnitz.
Testo Gaunt-Harvey-Paterson 2000
Soudadier, per cui es jovens
mantengutz e jois eisamens,
entendetz los mals argumens
de las falsas putas ardens!
En puta, qui s’i fia,
es hom traïtz;
lo fols quan cuida ria
es escarnitz.
II.
16
Salamos ditz et es guirens,
C'al prim es dousa cum pimens,
Mas al partir es plus cozens,
Amar' e cruzels cum serpens;
Tant sap de tricharia
La pecairitz
Que cel qu'ab leis se lia,
S'en part marritz.
Salamos ditz et es guirens
c’al prim es dousa com pimens,
mas al partir es plus cozens,
amara, cruels, cum serpens.
Tan sap de tricharia
la pecairitz,
que cel que ab leis se lia
s’en part marritz.
III.
24
De [G]uimerra porta semblan
Qu'es serps detras, leos denan,
Bous en miei loc, que· l fai trian
De cavai ,bai e d'aurifan;
Qui de peis la bestia
Non es faillitz
D'aquo que entendia
De la trairitz.
De [g]uimerra porta semblan,
que sserp detras, leo denan,
bo sso el mei, que·l fai trian
de caladri e d’aurifan.
Qui depenh la bestia
non es faillitz
d’aquo qu’entendia
de la trairitz.
IV.
32
Puta sembla leo d'aitan:
Fers es d' ergueill al comensan,
Mas pueis quan n'a fag son talan,
Troque son mil, no·s prez'un gan.
Quar soven per putia
Put la metritz,
Cum fai per bocaria
Carnils poiritz.
Puta sembla leo davan:
fer’es d’ergueill al comensan,
mas pueis, quan n’a fag son talan
tro que·s humil, no·s prez’un gan.
Quar soven per putia
put la mendritz,
com fai per bocaria
carnils poiritz.
V.
40
(EN)
En talant ai que vos decli
L'us de putana serpenti
Que pan' a l'auzel son pouzi;
[E] sab l'auzels [s]'ab leis s'afi,
Can l'a faita bauzia
De sos noirilz,
Aten com per leis sia
Mortz o delitz.
En talant ai que vos decli
l’us de putana serpenti:
que pan’al auzel son pouzi
s’ab l’auzelo al niu s’afri;
can l’a faita bauzia
de sos noiritz,
aten com per leis sia
mortz e delitz.
VI.
48
(E)
Savis senatz lai no s'enpen,
Si lo ten car ni l' onra ben,
Quan l'aura fag de blanc moren,
No·l torp. de roal en bazen.
Totz es de garsonia
. . . . . . . .
Qui met gran manentia
Pel cap puditz.
Eisamen qui sec son traï
fai putana del ric frairi;
quan n’a trag la bresca e·l saï,
li fai de la lengua bossi.
Ben es de gran folia
sals e gueritz
qui·s destol de sa via
ans que·l [c]alpitz.
VII.
56
(EN)
Eisamen qui sec son traï
Fai del ric putana frairi;
Quan n'a trag la bresch' e·l saï,
Li fai de la lengua bossi;
Ben es de gran folia
Sais e gueritz
Qui·s destol de sa via
Ans qu'ela·l fitz.
(Missing)
VIII.
64
(E)
Putan' es de tan mal engenh
C'ab dous parlar cueill et asenh
Totz cels que pot metr' en congrenh;
Quan l'avers faill, de si·l[s] enpenh;
Donx qui de sa paria
Es encobitz
Soven mud' e cambia
L' enfoletitz.
Puta es de tan mal engenh
c’ab dous parlar cueill et asenh
totz cels que pot metr’en congrenh;
quan l’avers faill, de si·l enpenh.
Donx qui de sa paria
es encobitz,
soven muda e cambi a
l’enfoletitz.
IX.
72
(E)
Puta per usatge·s defen
Al ric si grand loguier no·n pren,
Lai on l'arbalesta desten;
On sap lo pa e vi aten.
Molt fai grau glotonia
La trichairitz
Quan los pros lais' e tria
Los achaïtz.
Savis senatz lai no s’en pen,
si·l(o) ten car el vil onramen;
quan l’aura fag de blanc moren,
no·l torn e Raol envazen.
Totz es de garsonia
[esbaluitz],
qui met gran manentia
pel capladitz.
X.
80
Puta per uzatge·s defen
al ric si gran loguier no·n pren,
lai on l’arbalesta desten,
on sap lo pa e vi aten.
Molt fai gran glotonia
la trichairitz
quan los pros laisa e tria
los achaïtz.
