Per savi·l tenc ses doptanssa
Cel qui de mon chant devina
So que chascus motz declina,
Si cum la razos despleia,
Qu'ieu mezeis sui en erranssa
D'esclarzir paraul' escura.
Testo Gaunt-Harvey-Paterson 2000
Per savi teing ses doptanza
celui qu’e mon chan devina
cho que chascus moz declina,
si com la razos despleia,
qu’eu meteis sui en erranza
d’esclarzir paraula escura.
II.
12
Trobador, ab sen d'enfanssa,
Movon als pros atahina,
E tornon en disciplina
So que veritatz autreia,
E fant los motz, per esmanssa,
Entrebeschatz de fraichura.
Trobador a sen d’enfanza
movon als pros ataïna
e torno a desceplina
çho que veritaz autreia,
e fan los moz per esmanza
entrebescaz de fraitura.
III.
18
E meton en un' eganssa
Falss' Amor encontra fina,
Qu'ieu dic que d' Amar s'aizina
Ab si mezesme guerreia;
C'apres la borsa voianssa
Fai fols captenenssa dura.
E meton a un’ esguanza
fals amar contr’ amor fina:
eu dic qui d’amar s’aizina
a ssi meïsmes guerreia,
que pos la bors’ a voianza
fai fols captenenza dura.
IV.
24
Per so·n port ir' e pesanssa
C'aug dir a la gen frairina
C' Amors engan' e trahina
Cellui cui Amars reneia;
Menton, que lor benananssa
Es jois, Sofrirs e Mesura.
Per cho port ira e pesanza,
c’ar au dire a gent fraitina
q’amors engana e trahina
celui cui amars reneia.
Menton: q’e sa benestanza
es jois, soffrir e mesura.
V.
30
Aitals pareills fai mostranssa,
S'en doas partz non camina,
Pois bon' Amors n'es vezina,
Ab dos desirs d'un' enveia
Ab segurana fianssa
Blanca cara ver' e pura.
Amors es significanza
d’esmerada e de sardina
e de joi cima e rracina:
a veritat seignoreia
e sa poestaz sobranza
sobre tota creatura.
VI.
36
C' Amors a signifianssa
De maracd' o de sardina,
E[s] de Joi cim' e racina,
C' ab veritat seignoreia,
E sa poestatz sobranssa
Sobre mouta creatura.
Aqest pareillz fai mostranza
q’a doas parz non chamina:
qui bon’ amor avezina
a dos desirs d’un’ enveia
a segurana fianza,
blanca e clara e fina e pura.
VII.
42
Segon dich, faich e semblanssa,
Es de veraia corina
Car se promet e·s plevina,
Ab sol que· l dos no sordeia,
E qui vas lieis no s'enanssa
Porta nom de follatura.
Segon fai, dit e semblanza
nais de veraia corrina,
e sa promessa es plevina,
a tant que dons non sordeia,
e qui vas leis non s’enanza
porta nom de follatura.
VIII.
48
Sermonars ni predicanssa
Non val un ou de gallina
Vas cellui de qu'es frairina
Follia de cor correia;
Qu ·ieu sai s' Amars es amanssa,
Qu'a mains es fals' e tafura.
Fols qui tot quant au romanza
non sab razon mais boçina,
e s’amors viu de rapina
autrei q’amors amoreia
e que Costanz siec costanza
e fals usatg’ es dreitura.
IX.
54
Fols pos tot cant au romanssa;
Non sec razo, mas bozina,
Car s' Amors viu de rapina,
Autrei c'Amors s'amoreia
E que Costans es costanssa
E fals usatges dreitura.
Sermonars ne predicanza
non val un ou de galina
vers cels cui hom di: ‘Frarina
folia es, de cor correia’.
Eu dic s’amars es amanza
q’amors es falsa e tafura.
X.
60
La defenida balanssa
D'aquest vers e revolina
Sobr' un' avol gen canina
Cui malvatz astres ombreia,
C'ab folla cuida bobanssa
Ses faich de bon aventura.
La defenida balanza
d’aqest vers, e revolina
sobre una cecha anzuvina,
cui malveistaz oing e breia
de folla cuida a bobanza
senz fait de bon’ aventura.
XI. 62
DNa
La cuida per qu'el bobanssa
Li sia malaventura.
