Pax in nomine Domini!
Fetz Marcabrus los motz e· l so.
Aujatz que di:
Cum nos a fait, per sa doussor,
Lo Seingnorius celestiaus
Probet de nos un lavador,
C'anc, fors outramar, no·n, fon taus,
En de lai deves Josaphas:
E d' aquest de sai vos conort.
Testo Gaunt-Harvey-Paterson 2000
Pax in nomine Domini!
Fez Marcabruns los moz e·l so.
Auiaz qe di:
cum nos a fait per sa dousor
lo seignorius celestiaus,
probet de nos, un lavador
c’anc for outramar no·n fon taus
en de lai enves Josaphat;
e d’aquest de sai vos conort.
II.
18
Lavar de ser e de maiti
Nos deuriam, segon razo,
Ie·us o afi.
Chascus a del lavar legor;
Domentre qu'el es sas e saus,
Deuri'anar al lavador,
Que·ns es verais medicinaus;
Que s'abans anam a la mort,
D'aut en sus aurem alberc bas.
Lavar de ser e de maiti
nos deuriam, segon razo,
ie·us o afi.
Chascuns a del lavar legor:
dementre qu’el es sas e saus
deuria anar al lavador,
qe·ns es verais medicinaus,
qe s’abans anam a la mort
d’auta caza aurem alberc bas.
III.
27
Mas Escarsedatz e No-fes.
Part Joven de son compaigno.
Ai ! cals dols es,
Que tuich volon lai li plusor,
Don lo gazaings es enfernaus!
S'anz non correm al lavador
C'ajam la boca ni·ls huoills claus,
Non i a un d' orguoill tant gras
C'al morir non trob contrafort.
Mas escarsedatz e no-fes
part joven de son conpaignon.
Ai, cals dols es
qe tuich volon lai li plusor
don lo gazaings es efernaus!
S’anz non correm al lavador
c’aiam la boca ni·ls oills claus,
no·n i a un d’orgoill tan gras
c’al morir non trob contrafort.
IV.
36
Que·l Seigner que sap tot quant es
E sap tot quant er e c' anc fo,
Nos i promes
Honor e nom d'emperador.
E·il beutatz sera, - sabetz caus -
De cels qu'iran al lavador?
Plus que l'estela gauzignaus;
Ab sol que vengem Dieu del tort
Que·ill fan sai, e lai vas Domas.
Que·l seigner que sap tot cant es
e sap tot quant er e c’anc fo
nos a promes
coron’e nom d’enperador;
e·ill beutatz sera sabençaus,
qu’e cel luira(n) al lavador
plus que l’estella gauzignaus,
ab so que vengem Dieu del tort
qe·il fant sai e lai ves Domas.
V.
45
Probet del lignatge Caï,
Del primeiran home felho,
A tans aissi
C'us a Dieu non porta honor;
Veirem qui·ll er amics coraus;
C'ab la vertut del lavador
Nos sera Jhesus comunaus;
E tornem los garssos atras
Qu'en agur crezon et en sort!
Probet del lignatge Caï,
del primeiran home fello,
a tans aici
c’us a Dieu non porta honor.
Veirem qui·ll er amics coraus,
c’ab la vertut del lavador
vos sera Jhesus comunaus.
E tornatz los garsos atras
q’en agur crezon et en sort!
VI.
54
E·il luxurios corna-vi,
Coita-disnar, bufa-tizo,
Crup-en-cami
Remanran inz el felpidor;
Dieus vol los arditz e·ls suaus
Assajar a son lavador;
E cil gaitaran los ostaus;
E trobaran fort contrafort,
So per qu'ieu a lor anta·ls chas.
E·ill luxurios corna-vi,
coita-disnar, buffa-tizo,
crup’-en-cami,
remanran, aqeil felpidor!
E Dieus vol los arditz e·ls saus
asaiar a son lavador,
e cill gaitaran los ostaus
e plantara[n] lur coutr’en l’ort,
so per qu’eu a lor anta·ls chas.
VII.
63
En Espaigna, sai, lo Marques
E cill del temple Salamo
Sofron lo pes
E·l fais de l'orguoill paganor,
Per que Jovens cuoill avol laus.
E·l critz per aquest lavador
Versa sobre·ls plus rics captaus
Fraitz, faillitz, de proeza las,
Que non amon Joi ni Deport.
En Espaign’e sai lo Marques
et cill del temple Salamo
sofron lo pes
e·l fais del orgoill paianor,
per que jovens cuoill avol laus;
e·l criz per aqel lavador
versa sobre·ls plus rics captaus,
fraich-faillit de proessa las,
que non amo joi ni deport.
VIII.
72
Desnaturat son li Frances,
Si de l'afar Dieu dizon no,
Qu'ie·us ai comes.
Antiocha, Pretz e Valor
Sai plora Guiana e Peitaus.
Dieus, Seigner, al tieu lavador
L'arma del comte met en paus:
E sai gart Peitieus e Niort
Lo Seigner qui ressors del vas!
Desnaturat son li Frances,
si del afar Dieu dizo no,
qu’eu sai cum es!
Antiocha, prez e valor
sai plora Guiana e Peitaus.
Dieus lo comte al seu lavador
conduga e meta l’arm’en paus,
e sai gart Peitieus e Niort
lo seigner qui resors del vas.
