L'iverns vai e ·l temps s' aizina
E reverdej' il boisso,
E par la flors en l' espina
Don s'esjauzen l'auzello:
Ai !
Ja deven hom d'amor gai,
Chascus vas sa par s'atrai,
Hoc,
Segon plazenssa corina.
Testo Gaunt-Harvey-Paterson 2000
L’iverns vai e∙l temps s’aizina
e reverdejo∙il boisso
e par la flors en la ‘spina
don s’esjauzon l’auzelo;
Ai!
ja devenon d’amor gai,
c’usqecs vas sa par s’atrai
Hoc,
segon plazensa corina.
II.
18
Lo freitz frim e la bruina
Contra la gentil sazo;
Pels plais e per la gaudina
Aug del chan la contensso;
Ai !
Ieu· m met de trobar en plai,
E dirai d'amor cum vai,
Hoc,
Si·m vuoill e cum revolina.
Lo freig frang e la bruïna
contra la gentil sazo;
pel plais e per la gaudina
aug del chant la contenzo;
Ai!
si∙m met de trobar em plai
e dirai d’amor con vai,
Hoc,
si∙m vueil, e con revolina.
III.
27
Amars creis et atahina
Tric' ab coratje gloto
Per una dolssor conina
Que·is compren d'un fuoc fello;
Ai !
Ja non er nuills s'i dechai
D' averas o per assai;
Hoc,
No·i lais del pel en l'arsina.
Amars vai et ataïna
tric ab coratge frico
d’una voluntat conina
qe s’enpren del fuec felo.
Ai!
Non es nuls hom ses [i] chai,
daveras o per essai,
Hoc,
non lais del pel en l’arzina.
IV.
36
Bon' Amors porta meizina
Per garir son compaigno,
Amars lo sieu disciplina
E· l met en perdicio;
Ai !
Tant cant l'avers dura, sai,
Al fol, semblan d'amor fai,
Hoc,
E quan l'avers faill buzina.
So cembel mou cor traïna
de son agag lo brico,
c’ab sospirar l’en raïna,
entrebrescat hoc ab no.
Ai!
Mueu talan blanc, bru e bai;
ab «si farai! non farai!»
Hoc,
fai al fol maigrir l’eschina.
V.
45
Gent cembel fai que trahina
Ves son agach lo brico,
Del cim tro qu'en la racina,
Entrebescat hoc e no;
Ai !
Tal amei blanc brun e bai
Ab si farai no farai?
Hoc,
Fai al fol magra l' esquina.
Bon’amors porta meizina
per guerir son compagnio;
amar los senz disciplina
e∙ls met a perdicio.
Ai!
Tan can l’avers dura, fai
al fol semblan d’amor jai,
Hoc,
e cant l’avers fail camina.
VI.
54
Dompna non sap d'amor fina
C'ama girbaut de maiso,
Sa voluntatz la mastina
Cum fai lebrieir' ab gosso;
Ai !
D' aqui naisso·ill ric savai
Que no fant conduit ni pai;
Hoc,
Si cum Marcabrus declina.
Domna no sap d’amor fina
c’ama girbaut dinz maio,
mas sa voluntat mastina
con fai lebreir’ ab gozo.
Ai!
D’aqi nasso∙il ric savai,
c’us no∙n fa condug ni plai,
Hoc,
si con Marcabraus declina.
VII.
63
Aquest intr' en la cozina
Coitar lo fuoc el tizo
E beu lo fum de la tina
De si donz na Bonafo ;
Ai !
Ieu sai cum sojorn' e jai
E part lo gran e· l balai,
Hoc,
Son seignor engirbaudina
Soudouz, esta en la cozina
e toca∙l foc al tuzo
e beu lo fum de la tina
de si donz na Bona∙ilh-fo.
Ai!
Eu sai con sojorn’e jai
e part lo gra e∙l balay;
Hoc,
so segnor engirbaudina.
VIII.
72
Qui bon' Amor a vezina
E viu de sa liurazo,
Honors e Valors l'aclina
E Pretz sens nuill' ochaio;
Ai !
Tant la fai ab dig verai
Que no·il cal aver esmai
Hoc,
Del trut dullurut n' Aiglina.
Qui bon’amor avezina
ni viu de sa liurazo,
honors e valors l’aclina,
e pretz, senes ochaio.
Ai!
Talan si al dig verai
e no∙il cal aver esmai
Hoc,
del trutbulurut n’Aiglina.
IX.
81
Ja non farai mai plevina
Ieu per la troba n'Eblo,
Que sentenssa follatina
Manten encontra razo;
Ai !
Qu'ieu dis e dic e dirai
Quez amors et amars brai,
Hoc,
E qui blasm' Amor buzina.
Jamai no farai plevina
eu per la troba n’Eblo,
car s’entensa folatinav
manten encontra razo.
Ai!
Q’eu dic e diz et dirai
q’escas es et amor brai,
Hoc,
e qi blasma amor bozina.
X.
85
Q’e∙n dic e dis et dirai
q’escas es et amor brai,
Hoc,
e qi blasma amor bozina.
