Bel m'es quan la fuelh'ufana
E[n] l'auta branquilha
E· l rossinholet[ s ] s'afana
Desotz la ramilha
Que· l platz frims, a la luguana,
Del chant que grezilha.
Testo Gaunt-Harvey-Paterson 2000
Bel m’es quan la fueill’altana
el aut ra[m] branquilla
e·l rossinholet s’afana
desotz la ramilla,
que·l blacx frim e la luguana
del chant que grazilla.
II.
12
Quecx auzel[ s] quez a votz sana
De chantar s'atilha,
E s'esforsa si la rana
Lonc la fontanilha,
E· l chauans ab sa chauana,
S'als non pot, grondilha.
Quecx auzels ques a votz sana
del cantar s’atilla,
et esforsa s’en la rana
lonc la fontainilla,
e·l chavans ab sa chavana,
s’als non pot, grondilla.
III.
18
Sesta creatura vana
D'amor s'aparilha,
Lur joys sec la via plana
E· l nostre bruzilha;
Quar nos, qui plus pot enguana,
Per qu'usquecx buzilha.
Sesta creatura vana
d’amor s’apareilla;
lor jois sec la via plana
e·l nostre bruzilla,
quar nos, qui plus pot, enguana,
per c’usquex buzilla.
IV.
24
Volpils lengua traversana
Qu'a lairo cossilha,
Ab sa messorgua baussana
Desert' ez essilha,
So per qu'amor segurana
Non truep ses ruylha.
Volpils lengua–traversana
qu’a lairo conseilla,
ab sa mensonia bauzana
dezert ez essilla,
per so c’amors segurana
no truep ses roïlla.
V.
30
Jovens feuney' e trefana
E Dnuars becilha,
Saubud' es causa certana
Que Valors guancilha,
E Maluestatz va sobrana
La mair' e la filha.
Jovens feuneia e trafana
e donar besilla;
saubud’es cauza sertana
que valors gandilla,
e malvestatz vai sobran’a
la maire e la filla.
VII.
36
D’azena e de bausana
moc esta quereilla –
de lonh moc e de lonh grana
sesta meravilla:
quaus es plus fera e plus cana
tro en la frondilla?
VII.
42
Pieger es que gualiana
Amors que guespilha,
Cruzels cozens e baiana
Calens e frezilha
Quar molt tratz mal e safrana
Selhuy cui estrilha.
Peger es que galiana
amor qu’e gues pilla;
cruels, cozens e baiana,
calens e frezilla,
quar mol, trepej’es afana
selui cui estrilla.
VIII.
48
Sist falsa gent crestiana
Qu'en crim' pec fremilha,
A la fi ves Corrossana
Vira l' escobilha,
Que·l baptismes de Jordana
Lur notz e· ls perilha.
Sist falsa gen crestiana
qu’en crim pec fremilla
a la fi ves Corrosana
vira l’escobilla,
que·l baptismes de Jordana
lur notz e·ls perilla.
