I.
6
Testo Dejeanne 1909
Seigner n' Audric,
Al vostr' afic
Mout etz d'aver secos e plans,
Puois so dizetz
Que no·n avetz,
Qu'en setembre vos faill lo grans.
Testo Gaunt-Harvey-Paterson 2000
Seigner n’Audric,
al ver afic
moutz etz d’aver secos e plans,
puois so dizetz
que no·n avetz,
q’en setembre vos faill lo grans.
II.
12
Lai, ves Nadal
Tot atretal
Vos faill la carns e·l vins e·l pans
Et en Pascor,
Seguon l'auctor,
Crezetz en l' agur dels albans.
La ves nadal
tot atretal
vos faill la carns, e·l vis e·l pans;
lai en pascor,
segond l’auctor,
crezetz en l’agur dels albans.
III.
18
S'a destre vai
Conosc e sai,
Qu'etz de bon ostal segurans,
Si l'agurs faill
Venon badaill
Et es blasmatz sains Julians.
S’en destre vai,
conosc e sai
q’etz de bon ostal segurans;
si l’agurs faill
venon badaill,
et es blasmatz sains Julians.
IV.
24
Totz vostres us
Sap Marcabrus,
E totz vostre meiller bians
Del ventr' emplir,
E d'escarnir
Es, e de cossentir putans.
Totz vostres us
sap Marcabrus
e totz vostres meillors bians:
del ventr’enplir
e d’escarnir
es, e de cossentir putans.
V.
30
Quan vos totz sols
Etz ben sadols,
Non vos es ges rics gaps loindans;
Segon tas leis
As plus conque[i]s
Que non fetz Cesar als Romans.
Qan vos totz sols
etz ben sadols,
non vos es jes rics gaps loindans:
segon tas leis
as plus conques
que non fetz Cesar als Romans.
VI.
36
De lengueiar
Contra joglar
Etz plus afilatz que milans;
Del vostre bec,
N' Artimalec,
No·is jauzira ja crestians.
De lengeiar
contra joglar
es plus afilatz que mulans:
del vostre bec
N’Aturmalec
no·is jauzira ja crestians.
