Dirai vos senes duptansa
D'aquest vers la comensansa;
Li mot fan de ver semblansa;
- Escoutatz ! -
Qui ves Proeza balansa
Semblansa fai de malvatz.
Testo Gaunt-Harvey-Paterson 2000
Dire vos vuoill ses doptanssa
d’aqest vers la comenssanssa;
li mot fant de ver semblanssa.
– Escoutatz! –
Qui ves proessa balanssa,
semblanssa fai de malvatz.
II.
12
Jovens faill e fraing e brisa,
Et Amors es d'aital guisa
De totz cessais a ces prisa,
- Escoutatz ! -
Chascus en pren sa devisa,
Ja pois no·n sera cuitatz.
Jovens faill e fraing e brisa
et amors es d’aital guisa,
que pois al saut es aprisa
– Escoutatz! –
que chascus n’a sa devisa,
ja pois no·n sera cuitatz.
III.
18
Amors vai corn la belluja
Que coa·l fuec en la suja
Art lo fust e la festuja,
- Escoutatz ! -
E non sap vas quai part fuja
Cel qui del fuec es gastatz.
Amors fai cum la belluja
que si mescla ab la suja,
c’art lo fust e la festuja.
– Escoutaz! –
Cel non sap vas cal part fuja
pois que del fuoc es gastatz.
IV.
24
Dirai vos d' Amor com signa;
De sai guarda, de lai guigna,
Sai haiza, de lai rechigna,
- Escoutatz ! -
Plus sera dreicha que ligna
Quand ieu serai sos privatz.
Dirai vos d’amor cum migna:
a vos chanta, a cellui gigna;
ab vos parla, ab autre cigna.
– Escoutatz! –
Plus sera dreicha que ligna
qand ieu serai sos privatz.
V.
30
Amors soli' esser drecha,
Mas er'es torta e brecha
Et a coillida tal decha
- Escoutatz ! -
Lai ou non pot mordre, lecha
Plus aspraznens no fai chatz.
Amors solia esser dreicha
mas er es torta e brecha,
et a coillida tal deicha:
– Escoutatz! –
lai on non pot mordre leicha
plus arreament que chatz.
VI.
36
Greu sera mais Amors vera
Pos del mel triet la cera
Anz sap si pelar la pera;
- Escoutatz ! -
Doussa'us er corn chans de lera
Si sol la coa·I troncatz.
Anc puois amors non fo vera
pos triet del mel la cera;
anz sap si pelar la pera
– Escoutatz! –
doussa·us er cum chans de lera –
si sol la coa·n troncatz!
VII.
42
Ab diables pren barata
Qui fais' Amor acoata,
No·il cal c'autra verga· l bata;
- Escoutatz ! -
Plus non sent que cel qui·s grata
Tro que s'es vius escorjatz.
Cel qui ab amor barata,
ab diables se combata!
No·il cal c’autra verga·l bata
– Escoutatz! –
ni sap mas, cum cel qe·is grata
tro que vius s’es escorgatz.
VIII.
48
Amors es mout de mal avi
Mil hoMes a mortz ses glavi,
Dieus non fetz tant fort gramavi;
- Escoutatz ! -
Que tot nesci del plus savi
Non fassa, si·l ten ni latz.
Amors es mout de mal avi;
mil homes a mortz de glavi;
Dieus non fetz tant fort gramavi
– Escoutatz! –
fol no·n fassa lo plus savi
si tant fai qe·l tenga al latz.
IX.
56
S’anc amors fon car comprada,
er es en viltat tornada;
virginitat a passada
– Escoutatz! –
puois al prendre es alargada:
des era vos en gardatz!
X.
60
Amors a uzatge d' ega
Que tot jorn vol c'om la sega
E ditz que no· l dara trega
- Escoutatz ! -
Mas que puej de leg'en lega,
Sia dejus o disnatz.
Amors a usatge d’ega:
que totz jorns vol c’om l’asega
e freta de lega en lega,
– Escoutatz! –
ni no·n demandara trega,
si·us etz dejuns o disnatz.
XI.
66
Cujatz vos qu'ieu non conosca
D'Amor s' es orba o losca?
Sos digz aplan'et entosca,
- Escoutatz ! -
Plus suau poing qu'una mosca
Mas plus greu n'es hom sanatz.
Cuiatz vos q’ieu non conosca
d’amor s’es orba o losca?
Sos digz aplana et endoscha;
– Escoutatz! –
plus suavet poing que mosca,
mas plus greu n’es hom sanatz.
XII.
72
Qui per sen de femna reigna
Dreitz es que mals li·n aveigna,
Si cum la letra·ns enseigna;
- Escoutatz! -
Malaventura·us en veigna
Si tuich no vos en gardatz !
Qui ab geing de femna reigna,
dreitz es que mals l’en aveigna,
si cum la letra esseingna.
– Escoutatz! –
Malaventura·us en veigna
si tuich no vos en gardatz.
XIII.
78
Marcabrus, fills Marcabruna,
Fo engenratz en tal luna
Qu'el sap d' Amor cum degruna,
- Escoutatzl -
Quez anc non amet neguna,
Ni d'autra non fo amatz.
Marcabrus, lo fills na Bruna,
fo engenratz en tal luna
q’el sap d’amor cum degruna,
– Escoutatz! –
qez anc non amet neguna,
ni d’autra non fo amatz.
