I.
6
Testo Dejeanne 1909
D'aisso laus Dieu
E saint Andrieu
C' om non es de major albir
Qu'ieu sui, so·m cuig,
E no· n fatz bruig
E volrai vos lo per que dir.
Testo Gaunt-Harvey-Paterson 2000
D’aiso laus Dieu
e Saint Andreu:
c’om non es de maior albir
qu’ieu soi, so·m cug,
e no·n fauc brug,
e volrai vos lo perque dir.
II.
12
C' assatz es lait,
S'intratz en plait
Don non sahretz a lutz issir;
E non es ho
Digatz razo.
Si non la sabetz defenir.
C’asatz es lag
s’intras en plag
don no sabretz a lutz issir,
e non es bo
qui·n quer razo
e no la sabetz defenir.
III.
18
De gignos sens
Sui si manens
Que mout sui greus ad escarnir,
Lo pan del fol
Caudet e mol
Manduc e lais lo mieu frezir.
De ginhos sens
soi si manens
que molt sui greus az escarnir;
lo pa del fol
caudet e mol
mange e lais lo meu frezir.
IV.
24
Tant quant li dur,
Li pliu e·il j ur
C'om no·m puosca de lui partir;
E quan li faill
Mus e badaill
E prenda dcl mieu lo dezir ...
Tant qant li dur
li pliu e·il jur
com no·m puosca de lui partir,
e quan li faill,
mus e badaill,
e prenha del meu lo dezir!
V.
30
Qu'ieu jutg'a drei
Que fols follei
E'l savis si gart al partir;
Qu'a dobl'es fatz
E dessenatz
Qui·s laiss'a fol enfolletir.
Qu’ieu jutg a dreg:
que·l fols foleg
e·l savis se gart al partir;
qu’e dobl’es fatz
e dessenatz
qui·s lais’al fol enfoletir.
VI.
36
D'estoc breto
Ni de basto
No sab om plus ni d'escrimir;
Qu'ieu fier autrui
E·m gart de lui
E no·is sap del mieu colp cobrir.
D’estonc breto
e de basto
no sap hom plus, ni d’escremir,
qu’ieu fier autrui
e·m gart de lui,
e no·s sap del mieu colp cubrir.
VII.
42
En l'autrui broill
Chatz cora·m voill
E·i falz mos dos canetz glatir;
E·l tertz s'ahus
Eis de rahus
Bautz et aficatz per ferir.
En l’autrui brueill
cas cora·m vueill,
e fauc mos dos canetz glatir,
e·l ters saüz
eis de raüs,
bautz e aficatz per ferir.
VIII.
48
Mos alos es
En tal deves
Res mas ieu non s'en pot jauzir,
Aissi l'ai claus
De pens navaus
Que nuills no lo·m pot envazir.
Mos alos es
en tal deves
res mas ieu no se·n pot jauzir;
aisi es claus
d’empeis ne vaus
que nuils no lo·m pot envazir.
IX.
54
De pluzors sens
Sui pies e prens
De cent colors per mieills chauzir;
Fog porti sai
Et aigua lai,
Ab que s_ai la flam' escantir.
De pluzors sens
soi ples e prens,
de cent colors per meils cauzir;
foc porte sai
et aigua lai
ab que sai la flam’escantir.
X.
60
Cascuns si gart,
C'ab aital art
M'er a viure o a morir;
Qu 'ieu sui l'auzels
C'als estornels
Fatz los mieus auzellos noirir.
Cascuns si gart,
c’ab aital art
mi fa ssa viure e murir;
XI.
qu’ieu soi l’auzels
c’als estornels
fauc los mieus auzeletz noirir.
