 |
Can lo rossinhols, e'l foilhòs, Dona, d'amor enquer, e'n pren, E mou son chan iauzen ioiòs, E remira sa par souen; E'l riu son clar, e'l prat son gen Pel novell deport, que renha, Mi ven al cor gran iois iazer. |
 |
D'aquest amor sui tan cochòs, Que cant ieu vau vas lei corren, Veiaire m'es, c'à reversòs Men torn, e quill sen an fugen, E mos cavals hi vai tan len, Que greu er, que lai ateinha, S'amors no la'm fa remaner. |
 |
Di tal Dona sui deziròs, A cui non aus dir mon talen; Ans cant remire sas fazòs Totz lo cors men vai esperden. Dieus! s'aurai ià tan d'ardimen, Quell aus dir que patz manteinha, Pos d'als non ll'aus merci querer. |
 |
Ah! com son siei dich saboros, E siei bon fach fin, e valen, C'anc non nasquet sai entre nos Tan bella de neguna gen. Cors ha graille, delgat, plazen. E non |
 |
E non cug genzers si seinha, Ni anc homs non la pot vezer. |
 |
Amors alegres part de vos Per so, que vau mon miells queren; E sui en tant aventuros, Que\n/càras n'ai mon cor iauzen La mersè de mon bon geren, Que'm vol, e m'apell, e'm deinha, E m'a tornat en bon esper. |
 |
E qui sai reman delechòs, E Dieu non sei en Belleen, Non sai com sia iamais pros, Ni com ià venha' guerimen; Quieu crei, e sai mon essien, Que sel, qui Jesus ensenha, Segura escola pot tener. |
| Can lo rossinhols, e'l foilhòs, Dona, d'amor enquer, e'n pren, E mou son chan iauzen ioiòs, E remira sa par souen; E'l riu son clar, e'l prat son gen Pel novell deport, que renha, Mi ven al cor gran iois iazer. |
I. Can lo rossinhols el foilhos dona d'amor e·n quer e·n pren, e mou son chan jauzen joios e remira sa par soven, e·l riu son clar e·l prat son gen, pel novell deport que renha, mi ven al cor gran jois jazer. |
| D'aquest amor sui tan cochòs, Que cant ieu vau vas lei corren, Veiaire m'es, c'à reversòs Men torn, e quill sen an fugen, E mos cavals hi vai tan len, Que greu er, que lai ateinha, S'amors no la'm fa remaner. |
II. D'aquest'amor sui tan cochos que, cant ieu vau vas lei corren, vejaire m'es c'a reversos m'en torn e qu'ill s'en an fugen. E mos cavals hi vai tan len, que greu er que lai ateinha s'Amors no la·m fa remaner. |
| Di tal Dona sui deziròs, A cui non aus dir mon talen; Ans cant remire sas fazòs Totz lo cors men vai esperden. Dieus! s'aurai ià tan d'ardimen, Quell aus dir que patz manteinha, Pos d'als non ll'aus merci querer. |
III. Di tal dona sui deziros, a cui non aus dir mon talen; ans, cant remire sas fazos, totz lo cors m'en vai esperden. Dieus! s'aurai ja tan d'ardimen que ll'aus dir que patz manteinha, pos d'als non ll'aus merci querer? |
| Ah! com son siei dich saboros, E siei bon fach fin, e valen, C'anc non nasquet sai entre nos Tan bella de neguna gen. Cors ha graille, delgat, plazen. E non E non cug genzers si seinha, Ni anc homs non la pot vezer. |
IV. Ah! com son siei dich saboros e siei bon fach fin e valen: c'anc non nasquet sai entre nos tan bella de neguna gen; cors ha graille, delgat, plazen, e non cug genzers si seinha, ni anc homs non la pot vezer. |
| Amors alegres part de vos Per so, que vau mon miells queren; E sui en tant aventuros, Que\n/càras n'ai mon cor iauzen La mersè de mon bon geren, Que'm vol, e m'apell, e'm deinha, E m'a tornat en bon esper. |
V. Amors, alegres part de vos per so que vau mon miells queren; e sui en tant aventuros qu'encaras n'ai mon cor jauzen: la merse de Mon Bon Geren, que·m vol e m'apell e·m deinha e m'a tornat en bon esper. |
| E qui sai reman delechòs, E Dieu non sei en Belleen, Non sai com sia iamais pros, Ni com ià venha' guerimen; Quieu crei, e sai mon essien, Que sel, qui Jesus ensenha, Segura escola pot tener. |
VI. E qui sai reman delechos e Dieu non sei en Belleen, non sai com sia jamais pros ni com ja venh'a guerimen; qu'ieu crei e sai, mon essien, que sel qui Jesus ensenha segura escola pot tener. |