 |
[c. 58vB] P Us mos cortages B(er)nat esclarzis. de uentedor(n) per selh ioy don’t ieu suy lauzens. e uey q(ua) mors part e cauzis. per quieu nesper estrenamens. ben dey tot mo(n) cha(n) esmerar. quom re nomi puesca falsar. que per pauc es hom des mentitz. S elh en qui sestamor cauzis. ioues cortes e sapiens. e selh cuj refuda delis. e met a totz destruj- mens. quar q(ui) fina mor uol blas mar. elhal fai si en folh muzar. que per outra cug es peritz. S o son fals iutges raubadors. |
 |
[c. 59rA] fals molheratz e iurador. fals homes cinz e lauzengier. len- gua loguat creba mostier. (et) ais sellas putas ardens. queron dautruj maritz cossens. cyst auran guazanh ifernau. H omicidas e traidor. simoni- aix encantador. luxurios e re- nouier. que uiuon denujos mestier. e selhs que fan faitil- haimens. elas faitileiras pude(n)s. seran el fuec arden eguau. E briaicx (et) escogossatz. fals pre- ueires e fals abatz. falsas resclu- zas fals resclus. lai penran so dis marchebrus. tot li fals yan lor luec pres. que finamors o a pro- mes. lai er dols dels dezesperatz. H a fina mors fons de bontatz. merce ti clam lai nom a cus. em defendas quieu lai non us. en totz luecx me tenh per tom pres. per ton lairon en totas res. p(er) tu esper estre guidatz. M on cor per aquest uers destre(n)h. quar mi plus quels autres rep(re)nh. que qui autruj uol encolpar. dregs es que si sapha guardar. que no sia dels crims techitz. de q(ue) lieys encolpa e ditz. pueis poira segurs castiaR. |
Links:
[1] https://gallica.bnf.fr/ark:/12148/btv1b8419246t/f184.item.zoom
