4
8
12
16
Testo Bédier 1938
Une novele amorette que j'ai
me fait chanter et renvoisier;
le cuer en ai amoroset et gai,
ne ja de ceu partir ne quier.
Rose ne lis ne florette de glai
ne lo me fait recomencier,
fors la blondette por cui je morrai
se merci ne m'i puet aidier.
Merci demanz, merci requier,
merci vuel et merci desir:
a la blondette lo vuel proier,
k'autre ne m'en porroit garir,
n'autre ne m'en porroit aidier,
n'autre n'est tant a mon plaisir.
Je la servirai sen dangier,
se tout ne lo me vuet merir.
Testo Bédier 1912
Une novele amorette que j'ai
me fait chanter et renvoisier;
lo cuer en ai amoroset et gai,
ne ja de ceu partir ne quier.
Rose ne lis ne florette de glai
ne lo me fait recomencier,
fors la blondette por cui je morrai,
se merci ne m'i puet aidier.
Merci demanz, merci requier,
merci vuel et merci desir.
A la blonde lo vuel proier,
k'autre ne m'en porroit garir,
n'autre ne m'en porroit aidier,
n'autre n'est tant a mon plaisir.
Je la servirai senz dangier,
se tout ne lo me vuet merir.
Testo Bédier 1893
Une novele amorete que j'ai
me fait chanter et renvoisier;
le cuer en ai amoreuset et gai,
ne ja de ce partir ne quier.
Rose, ne lis, ne florete de glai
ne le me fait recomencier,
fors la blondete por cui je morrai,
se mercis ne m'i puet aidier.
Merci demant, merci requier,
merci vueil et merci desir.
A la blondete vueil proiier
c’autre ne m’en porroit guerir,
n'autre ne m'en porroit aidier,
n'autre n'est tant a mon plaisir.
Je la servirai sans dongier,
se tost ne le me veut merir.
20
24
28
32
Bele et blondette, je vos amerai
de boen cuer leal et entier,
ne ja de vos ne me departirai:
miez me lairoie depecier.
En ceste bone pensee serai,
ne nuns ne m'en poroit getier;
mais trop me tienent en malvais delai
felon mesdisant losengier.
Je redout tant lor encombrier,
que trop se peinent de traïr
cels qui bien aiment senz dangier,
ne ja ne les en voi joïr!
Bien se doit la blondette gaitier,
k'adès vuelent d'anui servir;
ne moi ne li n'en ont mestier
por nostre joie departir.
Bele et blondette, je vos amerai
de boen cuer leal et entier,
ne ja de vos ne me departirai;
miez me lairoie depecier.
En ceste bone pensee serai,
ne nuns ne m'en poroit getier;
mais trop me tienent en malvais delai
felon mesdisant losengier.
Je redout tant lor encombrier,
que trop se peinent de traïr
cels qui bien aiment senz dangier,
ne ja ne les en voi joïr.
Bien se doit la blonde gaitier,
k'adès vuelent d'anui servir,
ne moi ne li nen ont mestier
por nostre joie departir.
Bele et blondete, je vos amerai
de fin cuer loial et entier,
ne ja de vos ne me departirai:
mieus me lairoie depecier!
En ceste bone pensée serai
ne nuls ne m'en porroit getier;
mais trop me tienent en mauvais delai
felon mesdisant losengier.
Je redout tant lor encombrier,
que trop se peinent de traïr
cels qui bien aiment sans trichier
ne ja ne les en voi joïr.
Bien s'en doit blondete gaitier,
qu'adès vuelent d'ami servir,
ne moi ne li n'en ont mestier
por nostre joie departire.
36
40
44
48
L'autrier, un jor a l'entree de mai,
l'oï chanter en un vergier,
mais onques mais si bele n'esgardai,
ceu vos porroie fiancier.
Sades, cortois Deus, et quele amorette ai,
s'ele la me vuet outroier,
ne jamais jor senz joie ne serai,
se de s'amor puis esploitier!
Je desir tant li embracier
et li veoir et li oïr,
se de li ai un douz baisier,
nus mals ne me poroit venir;
ne m'en porroient forjugier
malvaise gent par lor mentir.
Con que me doie delaier,
je l'atendrai tot a loisir,
ke Fine Amors me fait cuidier
boens servises ne puet perir.
L'autrier un jor a l'entrée de mai,
l'oï chanter en un vergier,
mais onques mais si bele n'esgardai,
ceu vos porroie fiancier.
Deus, tres douz Deus, et quele amorette ai,
s'ele la me vuet outroier,
ne ja mais jor senz joie ne serai,
se de s'amor puis esploitier.
Je desir tant li embracier
et li veoir et li oïr,
se de li ai un douz baisier
nus mals ne me poroit venir;
ne m'en porroient forjugier
malvaise gent par lor mentir.
Con que me doie delaier,
je l'atendrai tot a loisir,
ke Fine Amors me fait cuidier
boens servises ne puet perir.
L'autrier un jor, a l'entrée de mai,
l'oï chanter en un vergier;
mais onques mais si bele n'esgardai,
ce vos porroie fiancier.
Deus! tres dous Deus! et quele amorete ai
se de s'amor puis esploitier!
Ne ja mais jor sans joie ne serai,
s'ele la me vuet otroier.
Je desir tant li embrassier,
et li veoir et li oïr,
se de li ai un dous baisier
ne me porroient forjugier
mauvaise gent par lor mentir.
Com que me doie delaier,
je l'atendrai tot a loisir,
car Fine Amors me fait cuidier
bons servises ne puet perir.
