I.
 
 
 
 
 
 
8

Testo Bédier 1938

Hidousement vait li mons empirant
et chascun jor se torne plux a mal,
ke tuit sont mort li boen prince roiaul,
c'on ne voit maix nul riche home vaillant.
Adès voit on le plux vaillant morir
et li mavaix demorent por faillir,
et malvestiés les destrant si forment
k'il n'ont pooir de faire un bel semblant.
 

 
 
 
 
 
 
 
 
 
 
 

II.
 
 
 
 
 
 
14

Deus! Com m'ont mort norrices et enfant
et les dames, ke trop sont a cheval!
Mains boens hosteils nos ont chaiciés a mal
et lor maris vancus outreement,
si k'il n'osent un tout soul mot grondir.
A lors osteis les puet on bien veïr:
aseis pueent faire comandement,
maix folie est, c'on n'en ferait noiant.
 

III.
 
 
 
 
 
 
24

Deus! Com est fols ki a feme se prant
et ki en fait signor et menegaul!
Bien puet sovent traire malvaix jornal,
ke jai nul jor n'en ferait son talent.
Por moi le di, c'onkes n'en pou joïr
et si ai mis tout mon tens a servir;
maix des signors me mervoil je forment
ki le souffrent, ke trop i ait torment.
 

IV.
 
 
 
 
 
 
32
 

Et dès k'il sont ensi obeïssant,
je lor ferai un si bel enseignal:
ke chascuns d'eaus gaire bien son ostaul
pues k'il sont teil k'il ne pueent avant,
et pancent bien de lors enfans norrir
et d'espairgnier et des gens escharnir!
Ensi porront estre riche et menant
et pouc lor soit dou blame de la gent!

V.
 
 
36

Droit a Choisuel vuil mon chemin tenir
et a Soilli par Clermont resortir,
si lor ferai de mon joel present,
que trop m'est bel de lor amendement.

 
 
I.
 
 
 
 
 
 
8

Testo Bédier 1912

Deus! com m'ont mort norrices et enfant
et les dames, qui trop sunt a cheval!
Maint bon hostel nos ont chaciez a mal
et les mariz voincuz outreement,
cil qui n'osent un tôt soûl mot grondir.
A lor hosteus les poïssiés veïr:
assez pueent faire comandement
mais c'est a gas, c'on n'en fera néant.
 

II.
 
 
 
 
 
 
16

Puisqu'il sunt si dou tout obediant,
or lor ferai un moût bon assenai:
désormais gart uns chascuns son ostal!
Ensi porront estre riche et menant;
et si pansent de lor enfanz norrir
et bien pansent des hosteus eschuir!
Ansi porront estre riche et poissant,
et pou lor chaut dou blasme de la gent.
 

III.
 
 
36

Droit a Choisuel vuil mon chemin tenir
et a Soilli par Clermont resortir,
si lor ferai de mon joel présent,
que trop m'est bel de lor amendement.
 

 
 
I.
 
 
 
 
 
 
8

Testo Bédier 1938

Hidousement vait li mons empirant
et chascun jor se torne plux a mal,
ke tuit sont mort li boen prince roiaul,
c'on ne voit maix nul riche home vaillant.
Adès voit on le plux vaillant morir
et li mavaix demorent por faillir,
et malvestiés les destrant si forment
k'il n'ont pooir de faire un bel semblant.
 

II.
 
 
 
 
 
 
14

Deus! Com m'ont mort norrices et enfant
et les dames, ke trop sont a cheval!
Mains boens hosteils nos ont chaiciés a mal
et lor maris vancus outreement,
si k'il n'osent un tout soul mot grondir.
A lors osteis les puet on bien veïr:
aseis pueent faire comandement,
maix folie est, c'on n'en ferait noiant.
 

III.
 
 
 
 
 
 
24

Deus! com est fols ki a feme se prant
et ki en fait signor et menegaul!
Bien puet sovent traire malvaix jornal,
ke jai nul jor n'en ferait son talent.
Por moi le di, c'onkes n'en pou joïr
et si ai mis tout mon tens a servir;
maix des signors me mervoil je forment
ki le souffrent, ke trop i ait torment.
 

IV.
 
 
 
 
 
 
32
 

Et dès k'il sont ensi obeïssant,
je lor ferai un si bel enseignal:
ke chascuns d'eaus gaire bien son ostaul
pues k'il sont teil k'il ne pueent avant,
et pancent bien de lors enfans norrir
et d'espairgnier et des gens escharnir!
Ensi porront estre riche et menant
et pouc lor soit dou blame de la gent!

V.
 
 
36

Droit a Choisuel vuil mon chemin tenir
et a Soilli par Clermont resortir,
si lor ferai de mon joel present,
que trop m'est bel de lor amendement.