Published on Lirica Medievale Romanza (http://151.100.161.88)

Amic Marcabrun, car digam

BdT 293,6

Mss: Dᵃ 208 (Uc Catola), z 2col. E

Metrica: a8 a8 a8 b8 tenso di 14 coblas da 4 versi

Editori: Dejeanne 1909, p. 24; Roncaglia 1968, pp. 203-254; Gaunt-Harvey-Paterson 2000, p. 98; Harvey-Paterson 2010, p. 1255

letto 1219 volte

Edizioni

letto 684 volte

Edizioni a confronto

I.

4

Testo Dejeanne 1909

Amic(s) Marchabrun, car digam
Un vers d' Amor, que per cor am
Q'a l'hora qe nos partiram
En sia ]oing lo chanz auziz.

II.

8

Ugo Catola, er fazam,
Mas de faus' amistat me clam,
Q'anc pos la serps haisset lo rarn
No foron tant enganairiz.

III.

12

Marcabrun, ço no m'es pas bon
Qe d' Amor digaz si ben non;
Per zo·us en mou e[ u ] la tenson,
Qe d' Amor fui naz e noiriz.

IV.

16

Catola, non entenz razon,
Non saps d'Amor cum trais Samson?
Vos cuidaz e·ill autre bricon
Qe tot sia vers quant vos diz.

V.

20

Marcabrun, no·s troban auctor
De Sanso · l fort e de s( a)' uxor
Q'ela n'avia ostat s'amor
A l'or[ a ] que ce fo deliz.

VI.

24

Catola, qar a sordejor
La det e la tolc al meillor,
Lo dia perdet sa valor,
Qe· l seus fo per l'estraing traïz.

VII.

28

Marcabrun, si cum declinaz
Qu' Amors si' ab engan mesclaz,
Dunc es lo almosna pechaz,
La cima devers la raïz !

VIII.

32

Catola, l' Amors dont parlaz
Camja cubertament los daz,
Aprop lo bon lanz vos gardaz,
Ço diz Salomons e Daviz.

IX.

36

Marcabrun, amistaz dechai,
Car a trobat Joven savai;
Eu n'ai al cor ir' et escLai,
Qar l'en a levaz tan laiz criz.

X.

30

Catola, Ovides mostra chai
E L'ambladura o retrai
Que non soana brun ni bai,
Anz se trai plus aus achaïz.

XI.

33

Marchabrun, anc non cuit t'ames
L' Amors, ves cui es tant engres,
Ni no fo anc res meinz prezes
D'aitals joglars esbaluiz.

XII.

36

Catola, anc de ren non fo pres
Un pas, que tost no s'en loignes,
Et enquer s'en loingna ades,
E fera, tro seaz feniz.

XIII.

39

Mar[ ca ]brun, quant sui las e·m duoill,
E ma bon' amia m'acuoill
Ab un baisar, quant me despuoill.
M'en vau sans e saus e garitz.

XIV.

42

Catola, per amor deu truoill
Tressaill l'avers al fol lo suoill,
E puois mostra la via a l'uoill
Aprop los autres escharniz.

letto 613 volte

Tradizione manoscritta

letto 831 volte

CANZONIERE Dᵃ

letto 583 volte

Riproduzione fotografica

letto 567 volte

Edizione diplomatica

[c. 208rA]

Ugo catola
A mics marchabrun car digam.
Un uers damor que p(er) cor am.
Qal hora qe nos partira(m). Ensi
a loing lo chanz auziz.

U go catola er fazam. Mas defaus
amistat me clam. Qanc pos lase(r)
ps baissa lo ram. Noforon tant enga
nairiz.

M arcabrun ço nomes pas bon. Qe da-
mor digaz siben no(n). p(re)zo us en mo
ue la tenzon. Qe damor fui naz enoi-
riz.

C atola no(n) entenz razon. no(n) saps da-
mors cu(m) trais samson.Uos cuidaz e-
ill autre bricon. Qe tot sia uer q(ua)nt uos
diz

M arcabrun nos troban auctor. desa
sol fort edesa uxor. Qela nauia os-
tat samor alor q(ue) ce fodeliz.

[c. 208B]

C atola qar asord(e)ior. la det ela tolc al
meillor. lo dia p(er)det sa ualor. Qel se
us fo p(er)lestrai(n)g traiz.

M arcabrun sicu(m) declinaz. Quamors si
ab engan mesclaz. Du(n)c es lo almosna
pechaz. la cima deuers la raiz.

C atola lamors dont parlaz Camia cuber
tame(n)t los daz aprop lo bon lanz uos
gardaz. ço dis salomons edauiz.

M arcabrun amistaz dechai. car a trobat
iouen sauia. Eu uai al cor ira (et) esclai.
Qar len aleuaz tan laiz criz.

C atola ou ides mostra chai. Elambladu-
ra oretrai. Q(ue) no(n) soana brun ni bai.
anz setrai plus ausachaiz.

M arcabrun anc no(n) cuit tames. lamors
ues cui es tant engres. ni no fo anc res
meinz p(re)zes. Daitals ioglars esbaluiz.

C atola anc deren no(n) fo pres. Un pas q(ue)
tost no sen loignes. Et enqer sen loi(n)
gna ades. Efera tro seaz feniz.

M arbrun q(ua)nt sui las emduoill. Ema
bona amia ma cuoill. ab un baissar
q(ua)nt medespuoill. Men uau sans esaus e
gariz.

C atola p(er) amor deu truoill. Tressaill la
uers al fol losuoill. E puois mostra
lauia aluoill. aprop los autres escharniz.

letto 655 volte

Source URL: http://151.100.161.88/?q=laboratorio/amic-marcabrun-car-digam