Edizione diplomatica

De chanter mest pris corage;
pour la tres bele loer. ce que
nai pas en usage; mes amors
me font chanter. qui souuent
me font trenbler. li maus dam(ors)
cest la rage. bien sai sil ne ma
soage. ie ne puis longues durer.

Amors ie uous faz honmage;
car ie me puis bien uanter. que
ie aim la plus tres sage; dont
oisse onques parler. qui plus
biau se set porter. sanz orgueil
et sanz outrage. ne ia pour son
grant parage; ne uoudra beu
ban mener. Ie lai trop lonc
tens amee; onques ne li fis sauo
ir. ne uoudroie que blasmee; fust
de moi pour nul auoir. carenso(n)
pais pour uoir. nen anule plus
loee. qon dit qil nest ame nee;
qui ses amors puisse auoir.

Gen pert et solaz et ioie; q(u)ant
ie ni puis auenir. quen medit
que melz porroie; la roine con
uertir. si ne sai que deuenir. car
siens sui ou que ie soie. ne ia
se samor nest moie. ne me puet
ioie uenir. Chancon par a
mors trouuee; salue moi la
uaillant. et se ton chant ne li
gree; dili quel le me remant
ia ne seras dite auant. mes soies
de li amee. tu seras souuent cha(n)
tee; de fin cuer bauz et ioiant.