 |
Arnautz daniels XIJ. S Jm fos amors de ioi donar tan larga. Co(m) eu li soi de uer cor fin efranc. Jamais per ioi nom calgra far embarc. Quieu am tan aut ques pers mi pueiem plomba. E qant mal- bir con es de pretz al som. Tenc ma honor ca(r) anc lausei uoler. Quera sai euque mos cors e mos sens. Mi faran far lor grat rica co(n)questa. Si tot men fas lonc esper nome(m) baria. En ta(n) ric luec mi soi mes emestanc. Don li bel dig mi tenon de ioi larc. El segrai tant com mi port a la tomba. Qen tot lo mon no(n) hom es de null nom. Tan finame(n)z desir gran ben auer co(m) eu fatz leis si tot men son nosenz.Deuinador cui dans dels drutz esfesta. Sa grans beutatz el rics p(re)tz mi desgarga. Del grieu sospir don mi dolon li flanc. Car en patz pren lafan el sufrel parc. Qe de beutat son las autras encomba. Qe la genser pa(r) caia |
 |
pres un tom. Plus bas delleis epuois odir enu(er). Cab leis rei(n)gna pretz esolatz esenz. E tuch bo(m) aip cuns no(n) es mens nim resta. E puois tant ual cuias doncs que ses parga. Mos deseriers ni ques forque nis branc. No(n) serai sieus ni mieus si ia(m) so parc. Si maiut sel ques mostret en colomba. Quieu no(n) son ges sel que lais aur per plom. Epuois no(n) cal com ren en lei esmer. Tant li serai sers et obedie(n)z. Tro de samor sil platz baisan men uesta. N amiels de ben ia nom siatz auarga. Qen uostramor mi trobarez tot blanc. Queu non ai cor ni poder quem descarc. Del ferm uoler qui nes ges deretomba. Que qan neis ueill ne clau los oill de som. A uos mautrei qan leu ni uau iaser. E nous cuges ques merme mos ta lenz. Non fara ges quar lo sen en la testa. F als lausenzier fuocs la lenga uos arga. O que perdatz tuich los oills de mal cranc. Car per uos son estraich caual emarc. Amor tolles ca pauc del tot no(n) to(m)ba. Co(n)fondaus dieus e sai uos dire com. Cals drutz uos faitz maldir e uiltener. E per uos es cazutz pretz eiouenz. Et est peior que plus uos namonesta. Arnautz a fait efera loncs atens. Catenden fai pros hom riqa (con)questa. |
Links:
[1] http://151.100.161.88/?q=blog/0