Lautrier tout seus cheuau
choie mon chemin. a loissue de
paris par un matin. oi dame
bele et gente en un iardin ces -
te chancon noter. dame qui

a mal mari sel fet ami. nen
fet pas ablasmer.  Vers li

me tres si lidis suer dites moi.
pour quoi parlez uous dami
est ce desroi. sire ie le uous
dirai mult bien pour quoi
ia nel uous qier celer. dame.
A un uilain mont donee
mi parent. qui ne fet fors
auner or et argent. et me
fet dennui morir assez sou
uent. qil ne me let ioer.
dame. Ie li dis ma douce
suer se dex me saut. uez ci
uostre douz amis qui ne uos
faut. uenez uous en auec
moi et ne uous chaut sile
lessiez ester. dame. Sire
ie ni roie pas hors de paris.
iauroie perdu heneur mes
atouz dis. mes ici lacoupirai
se trouuer puis nus qui me
uueille amer. dame. Qant
ie ui quauec ques moi ne
uout uenir. ie li fis legi
eu damors au departir. puis
me pria et requist quau
reuenir a lasse a li parler.
Dame qui a mal mari sel
fet ami.