| I | |
| Al nou dous nou termini blanc. Del pascor uei la elesta. Don lo nous temps ses contenta. Quan la sasos es plus genta. Eplus auin- enz eual mais. Et hom deuri esser plus gais. Emeiller sabors mi aiais. |
Al nou dous termini blanc del pascor vei la elesta don lo nous temps ses contenta quan la sasos es plus genta e plus avinenz e val mais et hom deuri esser plus gais e meiller sabors mi a jais. |
| II | |
| Per que(m) pesa quar me stanc. Q(ue)u ades no(n) pas la festa. Cuns soiornz mi sembla trentra. P(er) una promessa genta. Don mi sors trebails et esgla- is. Eno(n) uoill sias meus doais. Ses la sospeison del canbrais. |
Per quem pesa quar me estanc queu ades non pas la festa cuns sojornz mi sembla trentra per una promessa genta don mi sors trebails et esglais e non voill sias meus doais ses la sospeison del canbrais. |
| III | |
| Postellen son oil ocranc. Qui iamas len amo- nesta. Que ia maluestatz dolenta. Nolualra mession genta. Ni soiorns ni estar adais. Tan con guerre trebaill efais. So sapchal sei(n)gner de roais. |
Postellen son oil ocranc qui jamas len amonesta que ja maluestatz dolenta nol valra mession genta ni sojorns ni estar adais tan con guerre trebaill efais so sapchal seingner de roais. |
| IV | |
| Ni anc no(n) ui bras ni flanc. Troncat ni camba ni testa. Ferit de plaia dolenta. Ni ab gran ost ni ab genta. Nol uiarom ni asais. Eme(m)bres li com li ret- rais quanc enescut lansa no(n) frais. |
Ni anc non vi bras ni flanc troncat ni camba ni testa ferit de plaia dolenta ni ab gran ost ni ab genta nol viarom ni asais e membres li com li retrais quanc en escut lansa non frais. |
| V | |
| Guerra ses fuoc eses sanc. De rei ni de gra(n)poesta. Cui coms laidis ni desme(n)ta. No(n) es paraula genta. Quel puois se soiorn ni sengrais. Eiou- es qui guerra no(n) pais. Nes deuen leu flacs esauais. |
Guerra ses fuoc e ses sanc de rei ni de gran poesta cui coms laidis ni desmenta non es paraula genta quel puois se sojorn ni sengrais e joves qui guerra non pais nes deuen leu flacs esauais. |
| VI | |
| Reis de francha ieus tenc p(er) franc. Car hom acors no(n) fai questa. Ni de guiortz nos presenta. Pas ne fin que sia genta. Eous la guerra e la pais. Edo- me(n)tre comsies lais. No(n) er sos pretz fins ni uerais. |
Reis de francha ieus tenc per franc car hom acors non fai questa ni de gujortz nos presenta pas ne fin que sia genta e vos la guerra e la pais e domentre comsies lais non er sos pretz fins ni uerais. |
| VII | |
| Gens den oc eno nom planc. Q(ue)u sai ben quen lui no resta. La guerra ni no sa lenta.Qua(n)c patz ni fins nol fon genta. Ni hom plus uolu(n)tiers no(n) trais. Ni no(n) fes cocha ni assais. Ab pauc de ge(n)z et ab gran fais. |
Gens den oc eno nom planc queu sai ben quen lui no resta quanc patz ni fins nol fon genta ni hom plus voluntiers non trais ni non fes cocha ni assais ab pauc de genz et ab gran fais. |
| VIII | |
| Lo reis felips ama la pais. Plus que bons hom de talantais. |
Lo reis felips ama la pais plus que bons hom de talantais. |
| IX | |
| E noc eno(n) uol guerra mais. Plus que no(n) fes us dels agais. |
E noc e non vol guerra mais plus que non fes us dels agais. |