Per quem peza quar mestanc.
quar ades nouey la festa. qus
sols iorns mi sembla trenta. Per
una promessa genta. don mi sors
temors e glays. e nouuelh sia
mieus doays. ses sa sospeysso de -
cambrays.

Guerra ses fuec e ses sanc. de
o de gran pozesta. qus coms ]coms[

Et anc nol ui bras ni flanc. tre(n) -
cat ni camba ni testa. ferit de  
playa dolenta. ni en gran ost ni
en genta. nol ui hom ni en assais.
e ja en tro que seslays. lo reys
on pretz non es uerays.

Reys frances hieus tenc per fra(n)c.
pus a tort uos fai hom questa.
ni de guiza non prezenta. patz
ni fis queus sia genta. quab luj
es la guerre la pays. e iouens q(ue)
guerra non pays. endeuen leu
flacx e sauays.

Ges doc e no no mi planc. q(ui)eu
sai ben quen luy non resta. la
guerra ni nos salenta. quanc
patz ni fis nolh fon genta. ni
hom plus uoluntiers non trays.
ni fes cochas ni assays. ab pauc
de gent ni ab gran fays.

Lo reys felips ama la pays.
plus quel bons hom de caren
trays.

Enoc e no uol guerra mays.
que no fai negus dels alguays.