| c.188r | |
 |
BEm | morgue de mo(n)taudo. enueja per sant saluai- re. dome rauc ques fas- sa chantaire. e dauol cler- gue predicaire. paupre reno- uier no pretz guaire. (et) enueia(m) rossi trotaire. e ricx hom que massa uol traire. Et enuejam de tot mon sen dome quan sa putana pren. e do(m)pna que ama siruen. e escu- dier quab senhor conten. e nue- iam raubaire manen. e donze- lo barbat ab gren. Molt menueja si dieus me ual- la. quan mi falh pas sobre toal- la. e qui quada petit lom talha. qua des mes uejaires que(m) falha. |
| c.188v | |
 |
e ioues hom ples de nualha. e dos de putae sa guazalha Bem enueja capa folrada. quan la pelhs es uielhae uzada ecapai- ro de nou orlada. e puta uielha safranada. (et) enuejam rauba pe- lada. pus la sant miquels es pas Et enuejam tot eyssame(n) | sada. maizo dome trop famolen. e mel ses erbas e pimen. e quim promet enom oten. e dauol ho- me eyssamen. menueja q(ua)r elh non apren. Et enuejam cum de la mort. qui dauolez fai conort. (et) enue- iam dardalhon tort. (et) enuejam estar a port. quan no puesc pas- sar e plou fort. |
| I | |
| BEm enueja per sant saluai- re. dome rauc ques fas- sa chantaire. e dauol cler- gue predicaire. paupre reno- uier no pretz guaire. (et) enueia(m) rossi trotaire. e ricx hom que massa uol traire. |
Be m’enueja per Sant Salvaire d’ome rauc que·s fassa chantaire e d’avol clergue predicaire paupre renovier no pretz guaire et enueia·m rossi trotaire e ricx hom que massa vol traire. |
| II | |
| Et enuejam de tot mon sen dome quan sa putana pren. e do(m)pna que ama siruen. e escu- dier quab senhor conten. e nue- iam raubaire manen. e donze- lo barbat ab gren. |
Et enueja·m de tot mon sen d’ome quan sa putana pren e dompna que ama sirven e escudier qu’ab senhor conten enueia·m raubaire manen e donzelo barbat ab gren. |
| III | |
| Molt menueja si dieus me ual- la. quan mi falh pas sobre toal- la. e qui quada petit lom talha. qua des mes uejaires que(m) falha. e ioues hom ples de nualha. e dos de putae sa guazalha |
Molt m’enueja si Dieus me valla quan mi falh pas sobre toalla e qui quada petit lo·m talha qu’ades mes vejaires que·m falha e joves hom ples de nualha e dos de puta e sa guazalha. |
| IV | |
| Bem enueja capa folrada. quan la pelhs es uielhae uzada ecapai- ro de nou orlada. e puta uielha safranada. (et) enuejam rauba pe- lada. pus la sant miquels es pas sada. |
Be m’enueja capa folrada quan la pelhs es vielha e uzada e capairo de nou orlada e puta vielha safranada et enueja·m rauba pelada pus la Sant Miquels es passada. |
| V | |
| Et enuejam tot eyssame(n) maizo dome trop famolen. e mel ses erbas e pimen. e quim promet enom oten. e dauol ho- me eyssamen. menueja q(ua)r elh non apren. |
Et enueja·m tot eyssamen maizo d’ome trop famolen e mel ses erbas e pimen e qui·m promet e no·m o ten e d’avol home eyssamen m’enueja quar elh non apren. |
| VI | |
| Et enuejam cum de la mort. qui dauolez fai conort. (et) enue- iam dardalhon tort. (et) enuejam estar a port. quan no puesc pas- sar e plou fort. |
Et enueja·m cum de la mort qui d’avolez fai conort et enueia·m d’ardalhon tort et enueja·m estar a port quan no puesc passar e plou fort. |
Links:
[1] https://gallica.bnf.fr/ark:/12148/btv1b8419246t/f443.item.r=856.langFR
